ازيكم يا جميلات
بطاطس سلق و ليمون غالبا القاهريات بيعملوا نفس الاكله بس بالقلقاس احنا فى بورسعيد بنعملها بالبطاطس
الطريقه :-
نجيب بطاطس و نقشرها و نقطعها مكعبات و نضعها فى ميه و ملح
و فى هذه الاثناء نكون قطفنا اوراق السلق و غسلناها و تركناها تنشف من الميه تماما ثم نقطعها و نحطها على ثوم مشوح
فى شويه سمنه و نقلبهم السلق هايكش شويه و نسيبه لحد ما يخرفش فى المقلايه بس ما يتحرقش
نكون فى الوقت ده حاطين شويه شوربه فيهم بصله مفرومه يغلوا سوا ثم نضع البطاطس بعد ما ننشلها من الميه و اول ما تبدا تدخل فى السوا ماتكونش استوت تماما
نكون اخذنا السلق و حطيناله شويه شوربه و ضربناه فى الخلاط لحد ما بقى شوربه ثقيله ثم نضيفها للبطاطس و يصبح الشكل كدا
ثم نتركه يغلى و بعد ما يغلى و يدخل فى السوا نعصر ليمونه و نتركه يغلى غلوه واحده و نطفى و نسيبه ياخد طعم الليمون شويه قبل تقديمه مع الارز الابيض و الفراخ او اللحم لكن نصيحه احلى حاجه مع السمان و بشوربه السمان

وبالهنا و الشفا

تسلم إيدك
طبق شهى لكن مكانه بالاطباق الرئيسيه

صحه وهنا وبإنتظار مقبلاتك

مشكوره عزيزتي مشاركه رائعه

شكرا جزيلا لكن

شكرا لك على الطبق الحلو

تسلمى با مروه
شفتى اهو انا مصربه ومكنتش اعرف الاكله دى اطلاقا
انا اعرف القلقاس بالسلق
بس برافو علبكى حببتى انك عرفتبنا ببها
تسلم ابدك با قمر

عارفه يا مارو اهو احنا فى بورسعيد ما بناكلش القلقاس ده الا نادر انا دقته مره واحده فى حياتى و معجبنيش حسيته ناعم يزياده بس البطاطس انت بقى بتتحكمى فى درجه السوا

بسم الله ما شاء الله
مشاركه رائعه من ابنه اروع
تسلم اديكى و عنيكى و تتحرم على النار
فكره جديده و جميله بالف هنا و شفا
ماتحرمش منك حبيبتى و من مشاركاتك الرائعه
جزاكى الله الجنه و نعيمها و اطعمك من ثمارها
الف شكر على المشاركه غاليتى

يسلمو اختى الغاليه

كمان احنا عنا هيك طبق بس بنقلى البطاطا المكعبات ونوضعها على مرق الدجاج او اللحمه

جزاك الله كل خير

الله يعطيكى الف عافية يارب
وتسلم الايادى الجميلة
وبالهنا والعافية على قلوبكم يارب