الله يمسيكو بالخير والهنا والسعادة

صارت الساعة 12 وقرب موعد الغدى
والغدى اليوم على حسابي
صينية الجاج مع الخضرة

هذه غدوة سريعة بحب اعملها يوم الجمعة
لانه بتاخدش وقت
وبدكو الصراحة هاي طبختي المشهورة من ايام وانا بنت قبل ما اتزوج
كانو اهلي لما يرجعو من السفر على السريع احضرها واطبخها
وههههههه ومكنتش اعرف غيرها

بس هلاء وين زمن اول حول هلاء صرت طباخة ماهرة

هلاء خلينا نبلش بطبختنا
صينية الجاج مع الخضرة
جيبي كل الخضرة اللي موجودة عندك

نغسلها منيح واللي بده تقشير نقشرة ونبلش نقطعها

واللي معجب بلوح التقطيع اللي عندي هذا لوح صغير بحطه بقلب الصحن او الصينية واكبر طبخة بفرمها عليه
كتير بحبه وسهل جدا بالتعامل

نضيف البهارات
ملح وفلفل وبهار وجوزة الطيب واكليل الجبل اخضر او ناشف زي ما تحبي وشوية قرفة ونفركهم منيح

فنجان مية صغيرة

وبنلفها بالقصدير وبنحطها على نار عالية عشان تغلي بسرعة اول ربع ساعة وبعدين بنهبط الغاز على الاخر وبنتركها تستوي على الهدووووووووء يعني بتاخد كمان ساعة

وفجأة ماذا حصل؟ يا حزركو؟

خلص الغاز وعلى السريع غيرت القنينة وكانت مستوية ورفعتها على الشوي عشان تتحمر
وحطيت معهم خبز هيك مناشن يتحمص ممممممم بكون زاكي

وبنقدمها مع لبن

شوفو قديش نزلت مية
مع انه انا حطيت يادوب فنجان صغير

مدو ايديكو لا تستحو

وفي الختام لكم تحياتي واحتراماتي

الماسة

ام سوسو ولولو

يسلمو ايديك
عن جد غدى معتبر وخااصه ليووم الجمعه
بس بصرراحه عجبتني الفرامه كتير شكلهاا حلوو والاحلى انهاا بتنحط جو الصحن اللي بدك تفرمي فيه
كفيتي ووفيتي وصحه وهنا ع قلبك

يشرفني اكون اول واحد ترد علي موضوعك ام سهام
طبق رائع وبيشهي كثير
يسلمووو الايادي يارب
وبارك الله فيكي

حبيبتي ام سهام حاولي تكتبي اسمك علي وصفاتك حفظا لحقوقك
وعلشان تعبك ومجهودك ما يروح
لانه تاني يوم هتلاقي وصفتك بكل المنتديات وبدون ذكر المصدر

صبنبه روعه واكبد مفبده جدااااااااااااااااااااااااااااااااا
اجمل شئ الخضروات
الف شكر حبببتى تسلم الاباااااااااااااااااادى

اممممممممممم
ريحتها ذبحتني
يسلمو ايديكي

فكرة الفرامة عجبتني بدي احكي لاخوي يعملي وحدة
غيووووووووووووورة انا
هههههههههههههههه

يسلمو دياتك حبيبتي والف صحه يا رب هذه الطبخه بسميها طبخة يلي مش جاي على بالها تطبخ ههههههههه الله يسعدك يا رب

ماشاء الله
تسلم الايادى

طبق رائع كثير
يسلمووو الايادي يارب