مشاركتي لام نور فملف التفريز
السلام عليكم ورحمه الله
كيفكم يااحلى سيدات وانسات علشان محدش يزعل
النهارده حبيت اشارك مشاركه متواضعه فموضوع القمر ام نورللتفريز
اولا تفريز الباميه
بجيب الباميه واغسلها واسيبها تنشف
بعدين اقمعها واحطها فاكياس وعالفريزر علطول
اكيد هتسالوني مبحطهاش فميه مغليه وساقعه وكده
بصراحه مع الباميه بالذات مبعملش كده علشان الماده اللزجه الي فيها بتطلع
وبحس طعمها بيروح
وسدقوني كده بتفضل خضرا وجميله
الكاتشب
من الحاجات الي الحمدلله بعملها فالبيت ومبجيبهاش من بره
فبعمل كميه واشيلها يعني كل شهر بعمل كميه حلوة لان عندي بيحبوها
المقادير
اخدتها من الدكتورة سوسن ربنا يبارك فيها
3كيلو طماطم
بصله متوسطه
4 فصوص توم
رشه ملح وفلفل وقرنفل
نص كوب سكر
كوب الاربع خل
نغسل الطماطم ونشفها ونقطعها انصاف نحطها على النار من غير ميه مع البصل والتوم والتوابل
ونسيبهم لما تنزل الميه وتنشف
نضربها فالخلاط ونصفيها فاديق مصفاه عندك
نحطها على النار مع الخل والسكر ونسيبها تتكاثف
بعدين نحفظها فاكياس او بطرمانات
البفتيك
بتبله واقسمه على قد الوجبات واحطه فالفريزر
ده الي بعمله صواني فالفرن
التتبيله بصله مفرومه
بهارات الي تحبيها مع ملح وفلفل
شويه صوص باربكيو
وادخلها الفريزر
الفول
طبعا هنحتاجه جدا فرمضان
3كوب فول حب
كوب فول مجروش
نص كوب عدس احمر
4 حبات طماطم
طبعا هننقعهم طول الليل
بعدين نجطه على النار مع العدس ونسيبه على نار هاديه جدا
ولما يستوي اعصرالطماطم واحطها عليها ونسيبها تتسبك
بعدين نشيلهم فاكياس على قد الوجبات
معلش معنديش غير صورة وحده لان شحن الكاميرا خلص
اتمنى موضوعي ينال رضاكم
ولكم مني كل الود والتقدير
ولاتنسوااا اولادي من صالح دعائكم
.
رد مع الاستدلال
[
الروابط المفضلة