السلام عليكم ورحمة الله وبركاته
عملت بروستد حلو أوي ومقرمش جدا أتمنى يعجبكم وتجربوه ان شاء الله
المقادير
دجاجة مقطعه الى أربعه
التتبيلة(بصلة مبشورة- ملح - فلفل اسود- شطه - 4 ملاعق كبيرة خل)
الطريقه
انا في العاده بأتبل الدجاج بالليل وأسويه تاني يوم على الغدا
للطبخ ننفضها من التتبيله ونعصرها جيدا ونضعها في القدر شويه
لحد ما المايه اللي بتنزل منها تنشف وبعد كده نغمرها بالماية ونضع بصله وفلفل أسود وحبتين قرنفل وحبهان(هيل) ورق لورا ورشة قرفة
بعد ما تستوي نخرجها في طبق ونسيبها تبرد شوية ونرش عليها رشة ملح بسيطه
بعد ماتبرد بأغرف طبق من الشوربه اللي عندي
وأجهز خلطة القرمشه والسر هنا بقى
(3 ملاعق دقيق+2ملعقة نشا)ونقلبهم
بعد كده ناخد ربع الدجاجه ونضعه في طبق الشوربه ثم في الدقيق والنشا ومره أخر في الشوربه ثم مره أخرى في الدقيق والنشا وهكذا قطعه قطعه حتى ننتهي
وتقلي في قدر(حله) له غطاء لان لازم نقفل عليها الغطا وبعدين نفتحه عشان نقلبها على الناحية التانيه
والنتيجه كما ترون بروستد ولا أحلى
وقدمتها مع مكرونه مبكبكة
اتمنى تعجبكم........سلام يأحلى صبايا
الروابط المفضلة