تعالى معايا نبدأ سوا ألف باء المطبخ

**dodorere** · 25-07-2009, 03:06 AM

تعالى معايا نبدأ سوا ألف باء المطبخ
سلام عليكم
انا قلت اكيد فيه عرايس كتير اوى نفسهم يبداوا واحدة واحده فى المطبخ
قلت خلاص نبدا سوا انا الحمد لله بطبخ كويس على ادى يعني ممكن اقدر افيدكم
ربنا يقدرنى يارب
عاوزة بقى تشجيع علشان نستمر
هههههههههههه
قال رايحة ادرب المنتخب يعني

المهم ان شاء الله نبدا سوا من الاول خالص
انا دلوقتى واحده لسه ماليش فى المطبخ خالص عاوزة ادخل واتعلم وابدا اطبخ اكيد هبدا بالاكل التقليدي هنبدا سوا ان شاء الله نتعلم الاكل التقليدي وازاى نقدم وجبة حلوة وبعدين ندخل بقى فى التجديد ونظام العزومات والحاجات الحلوة دة والحلويات لجد ما نبقى بريمو ان شاء الله وجوزك يكره الاكل بره البيت ومن ايد اى حد تانى خالص غيرك زي ما جوزى حبيبي كده بيعمل

ايه رايكم؟؟حد معايا ولا الموضوع قديم ومالوش لازم

**dodorere** · 25-07-2009, 03:07 AM

الارز بالخلطة

الطريقه
1-نقطع الكبد والقوانص مكعبات صغيرة وممكن لحمة مفرومة للى يحب بس بالكبد احلى 2
2-نقطع بصلة مكعبات صغيرة ونشوحها فى معلقة زبدة او سمنة بلدى وخدوا بالكم دايما حاولوا تحطوا نص المقدار سمنة مثلا ونصه زيت لان السمنة لوحدها بتتحرق والزيت لوحده مش بيبقى طعمه حلو اوى
3- نضيف الاوانص الاول على البصل ونقلب ونسيبها شوية وبعدين نضيف الكبده لان الكبده بتاخد سوا اقل ونقلب ونضيف الملح والفلفل الاسود وحبهان وقرفه وجنزبيل وعود قرنفل ونسيبها شوية لحد ما تبدا تستوى
4-نضيف المية اللى تكفى مقدار تسوية الارز ونسيبها تغلى وبعدين نضيف الرز
واول ما ينشف نهدى عليه النار ونسيبه يكمل سوا
5-نحمر زبيب ولوز او اى مكسرات تحبوها وبعدين نغرف الارز ونرش على وشه المكسرات والنقطة دي اختياريه انا عن نفسي مش بحب المكسرات عليه ويتقدم والف هنا

**amany_mmaa** · 25-07-2009, 04:03 AM

انا عن نفسى معنديش اى مانع من الفكره
بس ياريت يكون فى جديد
لانى شوفت نفس الموضوع ده على منتدى فتكات
وتقريبا انتى وخداه كوبى بست
مش مغيره فيه حاجه خالص
حتى نفس العنوان والمقدمه واول اكله و....الخ
ومنتدى لك بيقدم كل جديد.. مينفعش ننقل حاجه من منتدى تانى!!
يعنى لو عاوزه تكملى فى الموضوع ده وعجباكى الفكره وحابة تساعدى
ممكن تنفذى الوصفات وترفعي صورها معاها
وهى تبقى اضافه جديده

**dodorere** · 25-07-2009, 05:53 AM

انتى شوفتيه غيرك ماشافوش

انا حبيت اساعد البنات اللى محتاجه مساعده لو حد معارض الفكره انا مش هاكمل

شكرا

**لالي لافندر** · 25-07-2009, 09:44 AM

مرحبا بك عزيزتي dodorere

شكرا لمساهمتك ومشاركتك
نتمنى ان تذكري الموضوع منقول للامانةحفاظا على ملكية صاحبة الموضوع
ونتمنى ان تشاركي في موضوع جديد
يعطيك الف عافية