بسم الله الرحمن الرحيم
------------------------------------------------------
اخواتى الغاليات انهارده نكمل مع بعض الجزء التانى من وجباتنا السريعه والمفيده للاطفال والصيف انا حبيت تكون الوجبات متنوعه من دجاج ولحوم وروبيان علشان تكون مغذيه لاطفال وتكون فيها صويا صوص وكاتشب علشان الاطفال بيحبوهم
نكمل مع بعض الجزء التانى
1 - البطاطس باللحمه المفرومه
-------------------------------------
نجيب البطاطس ونقطعها نصفين ونسلقها بالشكل ده
وبعدها نهرس البطاطس ونتبلها بالملح والفلفل والكمون
وبعدها نعصج اللحمه المفرومه بالبصل والتوابل وقليل من صلصه الطماطم بهذا الشكل
وبعدين نجيب جزء من البطاطس ونحشيه باللحمه المفرومه بهذا الشكل
وبعدها نلفها بشكل اصابع بالشكل ده
وبعدها نحطها فى التلاجه فتره علشان تجمد شويه ومتفكش وهى بتتقلى وبعدها نحطها فى مسحوق البقسماط
ونقليها فى زيت غزير مجرد لحظات على الوجهين
2 - كفته اللحم او كباب اللحم
-----------------------------------
نجهز اللحمه المفروم بالشكل ده
نتبلها بالبصل والجنزبيل وقليل من التوم
ونضيف عليها معلقتين صويا صوص
ونتبلها بالملح والفلفل وتوابل اللحم والكمون وقليل من البابريكا
وبعدها نشكلها على شكل اصابع ونحطها فى صينيه الفرن مع قليل من الزيت
ونحطها فى الفرن من تحت وبعدها فى الشوايه من فوق وممكن نحط قطعه فحم فى قليل من الزيت علشان تاخد رائحه الشواء وده شكلها النهائى
3- افخاد الدجاج المحمره
نجيب افخاد الدجاج وننظفها وننقعها فى الخل والماء والملح
وبعدها نتبلها بالملح والفلفل والكارى والكركم والتوابل المشكله وممكن نحط شطه لو عايزينها سبايسي
وبعدها نحط بصلتين مفرومين ومعلقتين كاتشب
وايضا معلقتين صويا صوص عليها
وحوالى نصف كوب حليب
ونتركها فى الخليط لمده ساعتين فى التلاجه
وبعدها فى طريقتين للتقديم ممكن نحطها على النار حوالى نصف ساعه وتتاكل وتبقى بالشكل ده
او نحطها فى البيض والبقسماط بهذا الشكل
ونقليها مثل كنتاكى وبتبقى لذيذه جدا بهذا الشكل
4- شاورما الدجاج
نقطع بصلتين على النار ونشوحهم بالشكل ده
وبعدها نقطع عليها فلفل رومى وطماطم ولو عايزه تحطى قرن فلفل حامى حسب الرغبه
وبعدها نقطه صدور الدجاج قطع صفيره بالطول ونضعها على البصل والفلفل الرومى والطماطم ونتبلها جيدا بالملح والفلفل والتوابل
وبعدين نحط عليها ايضا معلقتين الصويا صوص معلقتين الكاتشب ونقلبها على النار وده الشكل النهائئ
يارب تكون وجباتنا انهارده عجبتكو وعلى فكره فيه افكار كتير وحاجات تانيه ممكن نفكر فيها مع بعض ياريت نتبادل الافكار مع بعض وشاركونى باراكم
الروابط المفضلة