*طبق متميز*كشرى مصرى بالصور وطعمه كأنه من المطعم وبالتفصيل

طبق كشرى مصرى

أهلا أخواتى ، كلنا طبعا عارفين الكشرى المصرى وبنحب ناكله بس من المطعم لأن اللى بنعمله فى البيت مش بيطلع نفس الطعم و ده بسبب ان احنا فاكرين ان الكشرى شوية مكرونات على حبوب وخلاص.

عشان كدة جايبالكم طريقة الكشرى من مطبخى وان شاء الله يطلع كأنه من المطعم وكمان تكونى مطمنة انك هتأكلى أسرتك كشرى نضيف وصحى وموفر جدا.

مكونات الطبق:
(هذه الكمية تكفى لعمل 8 أطباق)

300جرام أرز مصرى أو 2كوب شاى أرز + 125جرام عدس أصفر
250جم عدس بجبة(عدس أسود وهو العدس الأصفر ولكن بقشرته)
250جم مكرونة اسباجتى
250جم مكرونة صغيرة
125جم حمص شامى أو كوب شاى حمص
250جم شعرية ملفوفة ، ان لم تتوفر لديكى فاستخدمى الشعرية المكسرة

مكونات السلطة: 2حبة طماطم + كوب صغير كسبرة خضراء مقطعة قطعا صغيرة +3 ونصف كوب ماء +2 ملعقة كبيرة خل + حلقات شطة خضراء أو شطة حمراء مجففة ناعمة أويمكن الاستغناء عن الشطة حسب الرغبة + ملح

مكونات دأة الكمون:2 فص ثوم مفروم + 1ملعقة صغيرة كمون + ربع كوب خل وباقى الكوب ماء + 1ملعقة صغيرة ملح

مكونات الصلصة: 4كوب عصير طماطم + 5فص ثوم مفروم + ملح

مكونات التقلية(الورد): 3بصلة متوسطة+ ملعقة صغيرة ملح + زيت

الطريقة:
· حمص الشام والعدس الأسود(بجبة)
أولا يفضل نقع حمص الشام والعدس الأسود(بجبة)فى الماء قبل الطهى لمدة 12ساعة وذلك للتسهيل ثم قومى بتغيير الماء لكل منهم قبل الطهى .

قومى بوضع كل منهم على النار مع متابعة عملية النضج وقبل إطفاء النار عليهم بدقيقتين ضعى عليهم مقدار مناسب من الملح للتمليح.

قومى بتصفية كل منهم فى مصفاة واشطفيهم بقليل من الماء وهم فى المصفاة ثم ضعى كل واحد منهم فى اناء خاص به واتركيهم لوقت الإستخدام.

العدس

الحمص

· التقلية(الورد)

احضرى قلاية وخرطى البصل فيها قطع صغيرة وضعى عليه الملح وقلبيهم ثم ضعى كمية زيت مناسبة وارفعى القلاية على نار هادئة وضعى عليها غطاء لينضج البصل على البخار وقلبيه من آن لآخر.

البصل

عندما تشعرين أن البصل نضج ارفعى الغطاء واتركى النار هادئة واستمرى فى التقليب حتى تحصلى على تقلية لونها بنى ذهبى واحترسى من حرقها.

صفى التقلية (الورد) من الزيت واتركيها تبرد ستجدى ان قطع البصل أصبحت خفيفة ومقرمشة مثل بتلات الورد المجففة والفضل فى ذلك يرجع للملح. يمكنك وضعها على منديل ورقى للتخلص من الزيت نهائيا.

التقلية(الورد)

أصبح لدينا الآن زيت بصل وهو الناتج من التقلية وسنستخدمه فى طهى الأرز والصلصة.

· الأرز
اغسلى الأرز وانقعيه 10دقائق ثم صفيه وضيفى عليه العدس الأصفر المغسول والمصفى واخلطيهم معا.

فى اناء طهى (حلة) ضعى كمية زيت بصل مناسبة وسخنيه (تقريبا 3 ملاعق كبيرة زيت)،ثم ضعى عليه خليط الأرز والعدس الأصفر وقلبيهم جيدا مع الزيت ثم ضعى مقدار مناسب من الملح والماء يكفى للنضج.

الأرز

· الشعرية
ضعى الشعرية فى اناء واسع وعميق وفككيها قليلا اذا كانت ملفوفة وهذا هو شكلها
وضعى عليها كمية زيت تكفى لتحميرها

الشعرية الملفوفة

بعد التحمير سيتقلص حجمها ضعى عليها ملح و ماء يغمرها واتركيها تنضج/تسلق على نار هادئة ثم صفيها واغسليها بقليل من الماء وبعد تصفيتها تماما ضعيها فى إناء واتركيها للإستخدام.

الشعرية

• السلطة

سلطة الكشرى تختلف عن أي نوع سلطة فمكوناتها ليست كثيرة وقليلة بالنسبة لحجم الماء بها.

قطعى الطماطم مكعبات صغيرة وضيفى عليها الكسبرة أما الشطة فهى حسب الرغبة،عن نفسى أفضل وضع نصف ملعقة صغيرة شطة مجففة ، وضيفى الماء والخل والملح.

السلطة

· الصلصة
ضعى الثوم المفروم وعليه قليل من زيت البصل فى اناء على النار وعندما تفوح رائحة الثوم ويصفر لونه ضيفى له عصير الطماطم والملح.

الصلصة قبل 5 دقائق من الغليان

ان أردتى وضع توابل لها فلتكن شطة جافة غير ذلك لا تضعى أي توابل أخرى، فالتفنن فى استخدام توابل غير الشطة يغير طعم الطبق كليا.

اتركيها تغلى 5 دقائق أو أكثر لكن لا تتركيها تتسبك(ينفصل الزيت عن الطماطم) وان وجدتى قوامها كثيف جدا فضيفى لها بعض الماء واتركيها حتى تغلى .

ضعى ملحها ثم ارفعيها من على النار .

الصلصة بعد الانتهاء من طهيها

• دأة الكمون

ضيفى مكوناتها جميعا( ثوم مفروم + كمون + خل + ماء + ملح)فى وعاء ثم قلبيها جيدا.أو ضعيهم فى زجاجة،مثل مطاعم الكشرى، ورجيها جيدا.

الدأة

· المكرونة
اسلقى المكرونة فى الماء المغلى كالمعتاد المضاف له قليل من الزيت.

اسلقى الاسباجتى فى اناء والصغيرة فى اناء آخر، أو يمكنك سلقهما معا ولكن ضعى الاسباجتى فى ماء السلق قبل الصغيرة بثلاث دقائق.

قومى بتمليحها قبل رفعها من على النار بدقيقتين ثم صفيها واشطفيها بالماء وضعيها فى إناء وضعى عليها ملعقة صغيرة زيت ،حتى لاتلتصق ببعضها وتضطرى لغسلها مرة أخرى ،وقلبيها برفق.

أسفة نسيت أصورها لكن كلنا عارفين شكلها وهى واضحة فى الطبق

• ملحوظة

أحيانا يوجد زجاجات شطة فى محلات الكشرى مثل الدأة ان أردتى صنعها فيمكنك وضع ملعقة كبيرة شطة جافة على نصف كوب ماء مغلى وقلبيها جيدا واتركيها لتبرد ثم ضعيها فى طبق صغير أو زجاجة وذلك بدلا من شراء زجاجة شطة تغير طعم الكشرى أو يمكنك وضع الشطة جافة على الطبق أو على الصلصة.



· إعداد الطبق
ضعى مكونات الكشرى فى الطبق بالترتيب التالى:
o الأرز، يكفى أن تضعى منه ثلاث ملاعق
o المكرونة الإسباجتى
o المكرونة الصغيرة
o الشعرية
o العدس الأسود
o التقلية(الورد)
o الحمص


فى أطباق صغيرة ضعى سلطة وصلصلة ودأة واستعدى لألذ طبق كشرى من صنع إيديكى.
ويا سلام لو تقدمى الكشرى فى أطباق استانلس مثل مطاعم الكشرى،ولو حطيتى شوية دأة على طبق الصلصة وطبق السلطة هتلاقى طعمهم ألذ.

أتمنى أن أكون وفقت فى تقديم الطبق, والصينية دى لأول واحدة هترد عليا.

مجهود رائع ...وفعلا شكله مثل كشرى المحلات واظن الطعم احلى كمان

تسلم الايادى

تسلم ايديكي مجهود رائع جدا

تسلمى حبيبتى رائع تسلم ايدك بس غريب انك تحطى عدس اصفر اول مرة اسمع انه بيتحط مع الكشرى العادى انا عارفه انه بيتعمل مع الكشرى الاسكندرانى بس شكل الطبق تحفه تسلمى

ما شاء الله لا قوة الا بالله
يسلموا يا قمر
راااااااااااااااائع

بالف هنا وشفا عليكم يارب

كتبت بواسطة whietangel

تسلمى حبيبتى رائع تسلم ايدك بس غريب انك تحطى عدس اصفر اول مرة اسمع انه بيتحط مع الكشرى العادى انا عارفه انه بيتعمل مع الكشرى الاسكندرانى بس شكل الطبق تحفه تسلمى

انا مش اسكندرانية بس كل محلات الكشرى بتعمله كدة بيكون الرز بالعدس الاصفر ومطبوخين بزيت البصل ولما يستوى مش بيكون باين أوى.وعلى فكرة دى خلاصة تجربة 10 سنين بحاول أعمل فيها كشرى نفس طعم كشرى المطاعم.بس والله لما بعمله بيبقى كأنه عيد فى البيت والكل بيبقى فرحان عشان هياكل كشرى نضافته مضمونة وميفرقش حاجة عن الجاهز.

مشكورين ياغاليين على ردودكم .
جربوه وقولولى ايه رأيكم.

مممممممممم
تسلم ايدج اختي
انا بمووووت بالكشري
وان شاء الله بكرا اعمله على الغدا

تسلم الايادي الجميله
وبالف هنا وشفا

ما شاء الله تبارك الرحمن
ما شاء الله عليكي
كشري رائع و من إيدين أروع
تسلم إيديكي حبيبتي و يعطيكي العافية يا رب