ان شاء الله دايما تكونى معانه فى القسم ده تستفادى وتفدينا وتفرحى اسرتك بعمايل ايدك
شوفى حببتى اول شى ثقى كده فى نفسك ان بامر الله هتعملى عزومه زى ما انتى عايزه وتشرفك بامر الله
واول شى لما نتفق بامر الله على الاصناف تنزلى تشتريهم على طول وتكتبى الطلبات فى ورقه عشان متنسيش.
تانى شى حلوه فكره ورق العنب وانا بشترى طبعا المعلب عادى عشان مفيش الطازه هنا الا نادر بشترى ماركه العلالى وانتى بتنقى البرطمانات ناقى اللى الورقه لونها فاتح وتحسى كده بالفهلوه ان ورقه ناعمه ههههههههه مش مخروعه كده وخشنه ولما تستعمليه عادى طلعى الورق من البرطمانات وسيبى عليهم حنفيه المايه فى طبق وشطفى فيه كويس قوى عشان تروح المواد الحافظه واى ريحه او اى طعم غير مرغوب فيه بعدها لو حسيتى ان الورق خشن حبتين ممكن تاخديه غلوه على النار وصفيه كويس واحشى عادى ولو الروقه كبيره اقسميها نصفين عشان صوابع المحشى متبقاش كبيرهوتعملى بقى جنب الورق العنب كوسه محشيه بس خلى فى الخلطه لحمه معصجه بدتيها طعم رائع ولو لقيتى بقى كمان فلفل رومى صغنون ومحندق كده برضو احشيه وكده تكونى عملتى اصناف محاشى معقوله
الصوانى بقى فيه صنيه مكرونه بالبشمل او صنيه جلاش باللحمه المفرومه
كمان هاتى فراخ وتبليها كويس وحطيها فى اكياس حراريه وتتشوى فى الفرن بتكون اكثر من رائعه طبعا اذا عملتى الفراخ كده ممكن تسلقى لحمه عشان انتى هتحتاجى شوربه للمحشى وحمرى اللحمه بعد كده طبعا لازم يكون فى صنف شوربه الاصناف كتير كتير بس برجح ليكى الاسهل شى شوربه لسان العصفور او شعريه وممكن اللحمه اللى سلقتيها متحمريهاش وتوزعيها فى اطباق الشوربه حسب راحتك انتى
كمان ممكن تعملى كتف ضاتى متبل فى الفرن بيكون حلو جدا مع محشى ورق العنب او عرق فلتو فى الفرن كمان ممكن تعملى البطاطس الحامل هههههه اللى هى محفوره ومحمره على خفيف قوى قوى ومحشيه لحمه معصجه مع رشه جزر وفلفل وتحبشيها كده وتحشى البطاطس وترصى فى صنيه وتسقيها بصلصه خفيفه صلصه بتومه من عمايلك انتى مش من المعلبه وتحطيها فى الفرن ولما تستوى ترشى جبنه متزاريلا على الوش بتطلع منظرها حلو قوى ممكن كمان تعملى كام طبق ملوخيه وطبقين دقيه باميه او طواجن باميه صغنونه كده وتحطى فيها اللحمه اللى سلقناها فاكره بدل ما تتحمر او تتحط فى الشوربه
كمان متنسيش سلطه ومخلل المخللل طبعا جاهز زتون ولمون والحجات دى والحجات دى كلها حببتى انهيها قبلها بيوم يعنى ليله العزومه احشى المحشى واعملى الصوانى وتبلى الفراخ او الكتف او العرق الفلتو حسب ما تختارى وخلصى كل ده الصبح يكون على التسويه بس لو عملتى جلاش باللحمه المفرومع تعمليه ساعتها لكن لو عملتى مكرونه بالبشامل تتعمل عادى من بليل وتغطيها فى التلاجه وتطلعيها قبل ما تحطيها فى الفرن بساعه كده يعنى مش تطلعيها من الثلاجه على الفرن على طول لا تهدا شويه وتاخد حراره الغرفه
بالنسبه للحلويات انا بقترح بسبوسه او كنافه فى قوالب الكيك ويتقدموا مع الشاى ممكن كمان تعلمى من ضمن الحلويات فروت سلاط سهل وجميل ولذيذ بس بجانب الحلويات الاساسيه طبعا والاخت نور الهدى هتفيدك فى موضوع الحلويات ده
كمان حببتى اذا احتاجتى طريقه اى شى من اللى زكرته او اللى مزكرتوش انا تحت امرك وان شاء الله تكون عزومه جميله
الروابط المفضلة