اصحابي وحبايبي وبناتي واخواتي
مشرفاتنا الحلوين
اشكركم جزيل الشكر علي التشجيع
عساكم بخير كلكم
احبكم جميعا

عايزة النهاردة اعرفكم علي الطبيخ المصري التقليدي
كلمة طبيخ عندنا معناها خضار او بقوليات جافة بالصلصة
سواء صلصة جاهزة او طماطم متسبكة بالبصل
وفي اكتر من طريقة للطبيخ هاحاول اقولهم باذن الله
عملت كام طبخة وجمعتهم لاصحابي الحلوين
يارب تستفيدوا مني ولو بجزء بسيط زي ماستفدت منكم كتيير
الاول احب اوضح ليكم الطبخات التي يضاف اليها ثوم لانه بيعطيها نكهة جميلة
وعلي العكس لو اضفناه لباقي الطبخات يغير طعمها
الطبخات التي يضاف اليها الثوم هي\ البامية\ السبانخ\ اللوبيا الجافة

بسم الله نبدا
لوبيا جافة

ده بصل مبشور نشوحه في زبده وزيت

ونضيف عليه نصف معلقة ثوم مفروم ونشوحهم شوية ونضيف البهارت والفلفل الاسود

وبعدين نضيف اللوبيا المسلوقة وايضا نقلبها معاهم شوية

ونضيف الصلصة سواء جاهزة او معمولة في البيت

و ضفت اللحمة المسلوقة ومن الممكن الا نضيف لحم لو هناكل معاها فراخ

نهدي عليه النار يتسبكوا شوية

اسفة الصور دي طلعت مهزوزة فمسحتها

وفي الاخر نضيف الشوربة تغلي غلوتين

وكده خلصت وبالهنا والشفا

ارجو عدم الرد الموضوع لم يكتمل

الطريقة التانية

بصل مبشور ونشوحه في زبدة وزيت ونضيف اليه فلفل اسود وبهارات وهي اللي مغمقة لونه

ونضيف الصلصة او طماطم معصورة ولو طماطم معصورة نتركها تتسبك
يعني الطريقة اللي فاتت حطينا الخضار يتشوح الاول وهنا الطماطم او الصلصة الاول
وعلي فكرة مش بيقرقوا في الطعم

ونضيف الخضار واللحمة يتسبكوا وبعدين الشوربة

وكده طبيخنا جهز

دي بطاطس مكعبات

ودي كوسة

وفي كمان طريقة الني في ني
هي انك تدعكي البصل بالملح والفلفل والبهارات وتضيفيه علي الخضار مع الصلصة والشوربة وتسويهم علي النار او في الفرن

زي صينية البطاطس الجميلة كل اللي بياكلها بتعجبه ولله الحمد مع انها سهلة لكن صينية البطاطس الوحيدة اللي بضيف اليها فلفل رومي

هنا البصل المدعوك بالملح والفلفل والبهارات والشطة

هنا كل المقادير\

وهنا ضفت علي الوجه زبدة وزيت

وهنا علي النار فوق شوية وكل شوية اقلبهم ولما تبقي نص سوا ادخلها الفرن

وده شكلها

=========================================
علي فكرة
نفس الطرق دي تعملي بيها كل الخضار
سبانخ \ بامية\ بسلة\ فاصوليا خضراء وجافة\ لوبيا خضراء وجافة\ كوسة\قلقاس بيكون شكله زي البطاطس
ولو في خضار انا ناسياه ياريت تفكروني

زمان كانت امهاتنا بتحمر البصل جدا وبعدين وتضيف الطماطم كان بيبقي الطبيخ تقيل وانا تركت الطريقة دي من زمان

وبالنسبة للثوم في ناس بتعملة تقلية زي الملوخية ايضا بتقل الاكل

يارب يعجبكم موضوعي ويفيدكم

تسلم ايدك وعنيكي يا قمر
معقولة الطبيخ المصري الحلو ده طلع من حظي انا لا واية كل الاصناف اللي بحبها احترت اختار اية
والله حسستيني اني في مصر وطريقتك نفس طريقتي
مهما اغير في الاكل الف الف وارجع لاحلي اكل المصري لا يعلي عليه
ومعك حق انا كمان مش باحمر البصلة اوي زي زمان بتقي خفيفية وصحية
ومش باضيف تقلية التوم الا للملوخية وخاصة السبانخ بتضيع طعمها باكتفي بس بتقليبها مع البصل

طولت عليكي بالف هنا وشفا

مع اني الدنيا ليل واتعشيت بس الاكل لا يقاوم هاخد اكتر حاجة باحبها والباقي للبنات انا مش طماعة ههههههههههههههههه

تسلم ايديك على الوصفات الحلوة والاطباق الشهية

يعطيك العافية

تسلمي عزيزتي موضوع
رائع واطباق رائعه مشكوره
ننتظر اطباقك الشهيه نورتي عزيزتي

بسم الله ماشاءالله عليكى
تسلم الايادى على الوصفات الجميلة
تبارك الله ربى يحميكى ويحرسك

والف هنا وعافية على قلوبكم يارب

يا عيني على الطبخ وصاحبة الطبخ اشي فاخر يسلمو دياتك يا قمر والف صحه وعافيه على قلبكم يا رب
ان شاء الله ربنا يديم هالنعمه على الجميع

روووووووووعه

الله يعطيكي الف عافيه

كل طبق الذ من اللي قبله

تسلم الايادي حبيبتي