سؤال للبنات المصريات و خاصة من الاسكندرية ادخلووووو اريد الرد رجاء ما تطنشوا

**noony suger** · 11-06-2009, 01:07 PM

اخواتى العزيزات دائما بشوف فى التلفزيون على السفرة المصرية صحن كبدة بالفلفل و الصلصة وبتكون قطع الكبدة مستطيلة كتير بشهى اريد من فضلكم الطريقة
اختكم نونى

**فرح1983** · 11-06-2009, 01:28 PM

بصي يا حبيتي انا مش من اسكندرية
ولكن الكبدة الاسكندراني معروفة للجميع هنا لانها لذيذة جدا وصحية لعدم احتوائها على زيوت القلي
المهم
المقادير
كبدة مقطعة قطع صغيرة
بصلة مفرومة كبيرة
توم كتير مفروم ناعم ( بيدي طعم لا يقاوم)
فلفل اخضر مقطع مربعات(ممكن حار لو عاوزة)
طماطم مقطعة مربعات
وشوية زيت او سمن للتقليب
بهارات وملح وفلفل
نص ليمونة للزفرة

الطريقة
تحطي الزيت وتحمري فيه البصل حتى يصفر ثم تضيفي التوم حتى يصفر بدون ما يتحرق حتى لا يعطي مرارة في الطعم
بعد كدة نضيف الكبدة المقطعة ونقلبها جيدا حتى يختفي لون الدم فيها ونضيف الليمون ونتركها تتشرب مائها
نضيف الملح والفلفل والبهارات ولو حسيتي انها لسة بتشد ممكن تزويدها كمية صغيرة من الماء
في النهاية نضيف الطماطم والفلفل تقليبتين بدون ما يذوبوا في نسيج الكبدة وممكن لو عاوزاهم متجانسين تضيفيهم في البداية بعد الكبدة او مع الكبدة زي ما تحبي
وبس وبالهنا والشفا

**♥ نبعة الريحان♥** · 11-06-2009, 02:15 PM

البنات ما يقصرو ان شاء الله

**noony suger** · 11-06-2009, 04:44 PM

وين الردود يا بنات ليش محدش معبرنى شكلى راح ازعل يعن 26 دخول و مفيش غير رد واحد

**ملك المالكى** · 11-06-2009, 05:03 PM

هى فعلا كدة
بس انقعى الكبدة الاول فى فلفل اسمر وملج وتوم مبشور
شوية عشان ريحتها تبقى حلوة

وبعدين حمرى البصل لحد ما يصفر وبعدين حطى الكبدة وبعدين اعصرى عليها لمووووون
وبعدين حطى الفلفل الاخضر وبعدين الطماطم اخر حاجة عشان متتبقاش صلصصة

**noorelhoda** · 11-06-2009, 07:59 PM

ماشاء الله الاخوات كفوا ووفوا منتظربن تطببقك عزبزتى

**mony_alex** · 14-06-2009, 08:16 AM

بصى انا اسكندرانية والاكلة دى تعتبر معروفة جدا عندنا
الاول بتروحى الماركت تجيبى كبدة وتقوليلها شرايح او كبدة اسكندرانى
لان الكبدة التانية بتكون مقطعة مكعبات عادية
وبعدين تجيبى التوم وتقشريه وتحطيه ف المدق ومعاه الملح والفلفل والكمون
والفلفل الاخضر الحار "لوعايزاها حارة"
وبعدين تدقيهم لحد ما يبقوا ناعمين
تحطى شوية زيت بكمية قليلة وتحطى جزء من دقة التوم تتحمس شوية
وبعدين تحطى الكبدة عليها
ملحوظة:متغسليش الكبدة لان لو اتغسلت حتبقى زفرة
وبعد ما تحطى الكبدة وتقلبيها شوية تحطى باقى دقة التوم
وتسيبيها تستوى مع متابعتها عشان ما تنشفش منك
بعد ما تطفى بقى تجيبى ليمون وتعصرى عليها بكثرة
لانه بيديها نكهة حلوة بعد ما تستوى
وغالبا ممكن تاكليها مع البطاطس المحمرة لو حتتعمل ساندوتشات
او مع المكرونة العادية
وبالهنا والشفا

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: سؤال للبنات المصريات و خاصة من الاسكندرية ادخلووووو اريد الرد رجاء ما تطنشوا

أدوات الموضوع

العرض