انا هنا ولتااااااااااانى مره .. بجد انا مش مصدقه نفسى
معقوله عملت اكلة تانيه ؟!!
انا مش مصدقه ..ولا هنا ف البيت كمان مصدقين
النهارده عملت (تطبيق) لـ صينية الفراخ ..
بصراحه انا قرأت الطريقه دى ف موضوعين عدى عليهم فتره طويله اوى
المقادير:
دجاجة مسلوقة نصف سلقة، شرائح بصل، شرائح بطاطا حجم كبير، بازيلا، بهارات (ملح، فلفل، كاري).
الطريقة:
ب 2. تضعي الجميع مع الدجاجة بعد تقطيعها في صينية وتضعي عليهم مرقة الدجاج وترشي على الوجه الكاري ثم تضيعهم في الفرن مدة ربع ساعة على الأقل وبعد ذلك تحمري الوجه
تقلي شرائح البطاطا والبص والبازيلاء (لكن ما يستوا كثير) مع وضع الملح والفلفل حسب الرغبة.
1.
س انا هنا مضفتش بطاطس لانهم ف البيت مش بيحبوها اد كدا يعنى .. وكمان البسله مكانتش عندى .. فقلت اعمل ايه ؟اعمل ايه ؟؟
قلت ابدا .. مش ممكن لازم اعمل حاجه معقول هعمل فراخ ف الفرن كدا وخلاااااااااااااص ؟؟
طبعا اول ما حطيت الفراخ ع النار وهى بتتسلق يعنى كنت ف الوقت دا بقطع طماطم وبصل وفلفل رومى وفلفل احمر ترنشات ..
وجبت 3 طماطميات وبشرتهم وبصله كمان بشرتها ( ال ايه بخترع هههههههه عامله نفسى بفهم اوى ) .. وحطيت عليهم بهارات بقا (ملح / فلف اسود / زنجبيل / قرفه / شطه ) ..وجبت فصين ثوم وهرستهم وقلبت الخلطه دى كلها على بعض
كان ف الوقت دا الفراخ بقت نص مستويه (شويه )..رحت مطلعاها وجبت صينيه وعملت طرنشات الطماطم و البصل و الفلفل ف ارضية الصينيه ..وحطيت الفراخ وبعدين صبيت شوية شوربه ( علشان تكمل وتستوى ف الفرن ) .. و دهنت وش الفراخ بالخلطه اللى انا اخترعتها فوق دى وحطيت تانى طرنشات طماطم وبصل وفلفل..
واتشجعت ولاأأأأأأول مرررررررررررره ف تاريخ الوطن العربى انى اشغل الفرن واعمل فيه حاجه ( قلب جرىء بئا نقول ايه )
دا كان شكلها ف الفرن (سوررى لو الصوره دقتها مش كويسه لانى مصوره بالموبايل )
ودا كان منظرها بعد ما طلعتها ..وقدمتها مع شيبسى
طبعا كاااااااااانت مفاجأه للكل انى اعمل حاجه ف الفرن ..ولغاية دلوقتى محدش مصدق ابدا انى عملت كدا (شطوره من يومى ) ههههههه
طبعا ريحتها كانت جايبه من اول العماره 
( وطلعت الخلطه اللى عملتها عجبت ماما اوى )..وطعمها عجب الكل ..وخطيبى كان مبسووووووط اوى وهو بيتغدى هههه (مصلحه بئا )
قولولى رأيكوا فيها ايه
معلش انا عارفه انى رغيت كتير ف الاول بس دا علشانى مبسوطه اوووووووى انى بتعلم حاجات والحمدلله بتعجب الكل ..
ولولا فضل ربنا ثم منتدى (لكِ) مكنتش عملت كدا ولا قربت من كدا ابدااااااااااااااا
ربنا يكرمكوا يارب ويبارك ف كل اللى بيقدموا لنا حاجه تفيدنا ..جزاكم الله خير الجزاء
*تطبيق متميز*تطبيقى لـ ( صينية الفراخ ) فى الفرن
رد مع الاستدلال
[
كتبت بواسطة ام هيا وحارث
الروابط المفضلة