*طبق متميز*بيف استراجانوف من مطبخ رضوى
النهاردة رجعت متاخرة من الجامعة لان النتيجة كانت النهاردة والطلبة كانوا بيشتكوا كالعادة مع كل نتيجة او امتحان، كنت مستعجلة اوي بس صورت الخطوات الحمد لله عشان كنت بعمل (بيف استراجانوف)
وده طبعا طبق روسي ودايما بيتقدم في الفنادق وفي الافراح وبحبه قوي بس مش مالوف عند كتير برغم تميزه وسهولته مش عارفة ليه.
انا مغيره شوية في الوصفة عشان تناسبني ومش استعملت الشامبينويون او عيش الغراب وكمان الكريمة اللي بتنضاف في الاخر مش ضايفاها لاني واهل بيتي مش لينا تقل لا على الشامبينيون ولا الكريمة اعذروني بس اللي يفضلهم يضيفهم حسب رغبته، الوصفة دي بتكون مميزة اوي مع ارز ابيض بس زوجي كان عايز ارز مبهر بالخضار وانا طبعا مقدرش ازعله
المقادير:
2 بصلة كبيرة ويفضل تكون احداهما احمر
4 فصوص ثوم
1 ملعقة كبيرة دقيق
1/4 ملعقة صغيرة ملح فقط
فلفل اسمر
1/2 كيلو لحم فيلية مقطع شرائح طولية رفيعة
2 فلفل اخضر مقطع شرائح، وكذلك ممكن فلفل احمر حلو ولكن كان غير متوفر للاسف
2 ملعقة كبيرة صلصة طماطم او معجون طماطم
شوربة لحم منزوعة الدسم او حسب الرغبة
1 ملعقة كبيرة صويا صوص
1 ملعقة صغيرة خل ابيض
1/2 ملعقة صغيرة مستردة
1/2 كوب لبن
انا عارفة المقادير كتير بس بجد الطعم في الاخر يستاهل واللي يحب الشامبينيون يضيف 1/2 كوب شامبينيون وبعد النضج 1/2 كوب كريمة ايضا.
الطريقة:
1- يشوح اللحم في طاسة او صينية تيفال في ملعقة كبيرة زيت و1/2 ملعقة كبيرة زبدة حتى يتغير اللون فقط ثم تنشل.
2- في نفس الصينية نضيف البصل ونقلب حتى يذبل ثم نضيف الثوم والفلفل ونقلب حتى يذبلا ايضا.
3- يضاف الصويا صوص والخل والصلصة ونقلب دقيقتين.
4- يضاف الدقيق ويقلب حتي يتماسك الخليط ببعضه كما بالصورة.
5- يضاف اللبن ويقلب ثم المستردة ويقلب جيدا.
6- نضيف الشوربة او المرق حتى يغطي الخليط ونغطي ونتركه لينضج مع التقليب كل 5 دقائق.
7- قبل تمام النضج يضاف الفلفل الاسمر و1/4 ملعقة صغيرة ملح فقط لان المرق والصويا صوص مالحين في الاساس.
8- نتركه ينضج ويغرف ويقدم مع الارز الابيض او المفضل لديكم وبالهنا والشفا، وده شكله النهائي ايه رايكم؟؟؟؟؟؟؟؟؟؟؟؟؟؟
ودي الوجبة كلها والصينية كلها لاول رد
يا رب يعجبكم وينول رضاكم،،،
رد مع الاستدلال
كتبت بواسطة عاشقة أبوها
[
الروابط المفضلة