عملتلكم اكلة اليوم ان شاء الله تعجبكم وهي صراحة من اختراعي
كنت عاملة بيوم ستيك لحمة مشوية ومعها بطاطا مروسة (ماش.بتيتو)
وزاد عندي بطاطا كتير وما عرفت شو اعمل فيها وفجأة جاءت الفكرة العبقرية
طيب المطلوب
1** بنجيب دجاج مسحب من العظم وبنفرمه ناعم وبقلاية بنحط شوية زيت
زيتون وبقلي سن ثومة مدقوق بس يبدا يحمر شوي بضيف الدجاجِ وبقليه بعدين بضيف عليه الجزر المفروم والبازيلاء ونقليهم مع بعض ثم نضيف الملح والفلفل الاسود والبهارات المفضلة لدينا وحبق مطحون (ريحان)حسب الرغبة
وبعد ما يستوي بنحط جبنة
موزاريلا او اي جبنة بتفضليها وبتخليها على جنب تبرد .......
2**بعدين بطاطا مهروسة معجونة بشوية حليب وزبدة وثوم بنعجنها منيح بحيث
ما تكون طرية كتير ولا جامدة حتى تقدري تشكليها براحتك
3**بيض **طحين ** بقصماط او شوفان مطحون
:
**** هلأ جيبي البطاطا وكوريها و احشيها زي الكبة بعدين غطسيها
بالطحين ثم بالبيض ثم البقسماط
ثم اقليها بزيت ساخن جدا وبس تتحمر طلعيها وقدميها مع سلطة خيار ولبن
او اي سلطة بتحبيها والف صحة وهنا
وما تنسونا من بركة دعائكم
الروابط المفضلة