*طبق متميز*البروستد المتواضع .............. تفضلوا عيوني بالصور
السلام عليكم
اليوم سويت بروستد او البعض يسموه الكنتاكي
وجبته الكم وان شا الله ينول رضاكم حبيباتي
المقادير ....
اولا دجاجة مقطعة 8 قطع او اذا تحبين الورك او فقط اجنحة حسب الرغبة وكل واحد الي يعجبه اني اليوم سويت الورك لان نحبه وبعدين تغيير
يتم سلق الدجاج نصف سلقه ونضيفله ورق غار وعودين قرفة ورشة ملح
وثم نخرجه بعد السلق ونعه جانبا
ثانيا كوب طحين نضيفله رشة هيل ورشة كاري ورشة كركم ورشة فلفل اسود ورشة ملح
ثالثا بيضة مضاف اليها قليل من الحليب السائل ورشة الملح ورشة الهيل والفلفل الاسود حتى تخف الزفارة
رابعا القرشلة او البقصمان الخالي
وطبعا هاي الصورة الدجاج بعد السلق ومحضرته
http://
وهذا الطحين نغمر الدجاج بيه
http://
وهذا البيض نرجع نغمر الدجاج بيه
http://
واخيرا نغمره بالبقصمان
http://
واخيرا نقليه بزيت غزير جدا وعلى نار متوسطة حتى مايحترك يستوي ويتحمر ويصير بالشكل هاذ وطبعا نقدم معاه البطاطس المقلية والكاتشب والمقبلات النخلل والمايونيز والسلطة وحسب الرغبة
http://
للمعلومة هههههههههههه اني كنت اريد ازين الصحن واعمل حركات بس اجه زوجي جوعان ويريد بسرعة الغدا فاستعجلت واخذت الصورة بسرعة وطلعت بهذا الشكل سامحوني من التقصير.
رد مع الاستدلال
كتبت بواسطة ام هيا وحارث
الروابط المفضلة