بما أني أعمل ... فأنا أطبخ بليل ...
والبارحة طبخت مشان غدا اليوم ...
.... يخنة بندورة باللحمة المفرومة وجنبه رز مصري بالشعيرية ....

والله أنا كان عندي يخنة البطاطا بلفرن مع البصل والفليفلة والبندورة وجاي عبالي بكرة كبة بلبنية والكبة جبتها جاهزة لأنو عندي بي بي صغير صعب ساويها لحالي

يا سلام عليكو يا بنوتات

ليش مش شايفتكو مش متفاعلات ياللا كل وحدة تفوت وتعترف شو طابخة اليوم

انا طبعا بطبخ قبل بيوم لتاني يوم

شغل موظفات يعني

عندي محشي بطاطا ومحشي خيار بنتغداهم انا والبنات ومعزوز افندي بدنا نلاقيله طبخة تانية مممم؟


مش عارفة؟

جاي على بالي اعمل صينية جاج مع بطاطا وخضرة بالفرن سهلة وبتاخدش وقت ولا بتعمل جلييييييي

انا امبارح عملت بامية ع لحمة وبس اروح بفلفل جنبهم رز
وان شاءا لله انه يضل لبكرة ل ارتاح من لتفكير لمدة يوم ههههههههههه

كيكفو يا قمرات اليوم؟
امبارح كنت حاكية رح اطبخ صينية جاج وبطلطل بس ماعملتش حولتها ليخنية فوق
شو طلعت اشي فااااااااااااااخر على الاخر

والله جوزي كيف عليها اجى عشية اتعشى منها

يختي لما التكون الطبلخة متكاملة تحكولويش بيتطلع تجنن حطيت فيها لحمة حبش مممممممم روعة طعمها وكترت الشقف هههههههه وعملت 3 اوقيات رز تقولو رح اطعمي عشرة ماهو هيك وطلت كيسين فول مفرزتهم قلت رح اكبر الطبخة والله ما انا عامكلتها صغيرة ومأموعة خليها تتسبك منيح

وياسلام فقت الصبح لقيتلكو المرقة معقدة تعقد بقاع الطنجرة

دليل الدسامة يعني

وصحتين على قلبة زوزي مطرح ما يسري يمري من كتر الزكاوة اكل شقفتين من الحبش الله يهنيه ويسعده والخير والصلاح يبعتله

وهذا هو اليوم رح اروح على الدار متوحمة على الفول

وبالباقي ان شاء الله رح اعملهم لبنية فول حبيبة قلبييييييييييي


وانتو شو عاملين؟

والله صحيح هذا السؤال اليومي اللي أسأله لنفسي
ومن أسأل زوجي ......يجاوبني على راحتك ؟؟؟؟
مما يزيد في حيرتي

انا اليوم رح اعمل قرصااان

ادعولي انها تزبط معي لاني اول مره اعملها
والطريقه اخذتها من اختي


وطبعا انا اقرر الي رح اعمله من الليل عشان ارتاح
واذا ناقصني اغراض اجيبها

انا اليوم عامله مفتول يا قمر

و عن جد موضوع مفيد و سؤال محير

ان شاء الله تزبط معك القرصان ولو اني مش عارفة ايش هو

ياللا احكيلنا شوو

ياريت يا بنوتات لو في شي وصفة حاسة انها غريبة على باقي العضوات تحكيلنا عنها اشوية

د. سوسن يلكم بيكي يا قمرة
وصحتين على المفتول حبيب الفلسطينية هذا المفتول انا بموت فيه

فعلا التفكير بالطبخ بيحير
انا ماما كانت تسألنا شو سوي عالغدة واحنا نقولها براحتك وتظل محتارة
والان انا تزوجت ووقعت بنفس الشي اسال زوجي يقول لي على راحتك وتزيد حيرتي

اليوم كان ابني يبكي ومو قادرة اتركة بالسرير يادوب ربع ساعة طلعت اللحمة من الثلاجة
وخليت شرائح بصل وبطاطا ولحمة تبلتهم وغطيت البايركس بالقصدير وخليتها بالفرن عالسريع
ولسا هافكر في بكرى اذا الله خلانا طيبين

والله موضوع عنجد بيحير الواحد كل يوم بيسأل هالسؤال وما بيعرف شو يطبخ لانه لما اسأل زوجي بيقولي أي شي...

انا طبعا لاني موظفة بطبخ بليل نفس المأساه يعني وعملت امبارح فاصوليا بيضا مع لحمة وجنبها رز بالشعيرية
بس مو عارفة شو بدي اعمل لبكرةةةة

سوسن انا بموووووت عالمفتول لا تنسي تشيليلي شوي...انا ما بيكون عندي لاني بالكويت وبستنى لما حد يجي من عمان عشان حماتي تبعتلي معه هههههههههههه صحتين وهنا