'سندوتشات طاووق من مطبخي ... انما ايه ما شاء الله ... اتفضلوا معانا'
بسم الله الرحمن الرحيم
(معلش يا جماعة نزلت الموضوع بالغلط في ركن المعجنات ... وقبلها اصلا هنج مني الكمبيوتر بعد ما كتبت الموضوع كله ومرضاش يشتغل وعدت التشغيل ...اعذروني انا اسفة والله ...بس فعلا فطست بقى وهاضطر اقوم شوية ... )
ندخل في الموضوع بقى......
بعد طبعا طبعا ما ابدعت في قسم الحلويات (بتريق طبعا )... قلت مبدهاش بقى ندخل على قسم الاطباق الرئيسية واكمل ابداع بقى ...
قال يعني عملت اللي متعملش ... انا عارفة ان الكل عارف وصفة الشيش ... وانها سهلة جدا وانها فعلا مش ابداع والله ...بس بصراحة ما شاء الله عجبني ...قلت انزلهولكم ...يمكن يممممكن يعجب حد ويطبقه ...
يلا طولت عليكم ... هاقولكم المقادير في السريع ...
نص كيلو شيش (اوراك فيليه يعني )
2 او 3 م/ك مستردة
2 م/ك كاتشب
علبة زبادي
وبهارات مشكلة ... وملح وفلفل ... وكاري وبهارات فراخ جاهزة ... اي بهارات ... انت وذوقك يعني ...
وجبت حبتين فلفل اخضر وبصلة كبيرة وطماطميتين وقطعتهم قطع كبيرة ... وخلطت كل دا ...
وسيبته في التلاجة كام ساة وطبعا لو قبلها بيوم افضل ...
المهم انا مصورتلكوش اول خطوات لاني بصراحة مكنش في دماغي اني اصور اصلا ...
بس كملت الباقي بقى ...
اسيبكم مع الصور ...
هنا الصورة والشيش لسا نيئ ...بس حطيته في اسياخ
وهنا بقى شكله لما طلع من الفرن مع احلى سندوتشات ما شاء الله ...وبطاطس طبعا وطبق سلطة ...
ودي صورة للطبق من قريب
اما الرولز اللي في الصورة دا ...فدا كانت عندي بواقي عجينة جلاش ...
قلت استفيد منها ...واكن عندي شوية لحمة مفرومة ودي شكل الحشوة ...انا حطيت عليها حتتين جبنه عشان يدوها طعم ...
ودي طريقة اللفة
ودي شكل الصينيه بعد ما دهنتها زيت ... ودهنت الرولز زيت ودخلتهم الفرن مع الشيش
بس كدا ... وزي ما وريتكم دا شكل الصينية كلها لما استوى الشيش والرولز دا ...
بس وبالف هنا وشفا ...
يارب يكون عجبكم ... وعايزة اسمع رايكم بصراحة ...
جزاكم الله خيرا
بالله عليكم مش تنسوني من دعواتكم ليا انا واهلي حتى ولو بظاهر الغيب
وجزاكم الله خيرا
رد مع الاستدلال
كتبت بواسطة roina
الروابط المفضلة