تعالوا شوفوا عزومتى المتواضعة من مطبخ لولو حبيبى

السلام عليكم يا بنات
عملت من يومين عزومة
قولت اوريها لحبيبى
بس يا رب تعجبكم
ورق عنب بالريش البتلو
طاجن بامية
ملوخية
فراخ مشوية
رز بالشعرية
شوربة لسان عصفور
بتنجان مخلل

دة البتانجان

وهنا بعد ما حطيتلة الخلطة
كمون ثوم ملح
فلفل احمر واخضر مفرومين مع الثوم
زيت زيتون خل ليمون

ودية شوربة لسان العصفور
طبعا باخد معلقة سمنة احمر فيها لسان العصفور ولما يحمر
احطلة شوربة واتبلها وتستوى وبس
واهى بتغلى

وعملت برام البامية
الاول بصفر بصلة
واحطلها اللحمة واشوحها فيها كدة

وبعد ما اتشوحت شوية حتطلها ماية لغاية ما اللحمة استوت نصف سوا

وحطيت بعد كدة حطيت عصير الطماطم وفصين ثوم مفرومين
وسيبتهم ياخدوا غلوة وبعدين حطيتهم فى البرام وعلى الفرن ودة شكلها

وهنا ورق العنب
بس سلقتالريش الاول شوية
وبعدين حطيت فى قعر الحلة
بصل حلقات وطماطم حلقات
وبعدين الريش وبعدين لفات ورق العنب
بعد ما عملت الخلطة وحشيت
ودة شكل الخلطة

وهنا بعد ما لفتها كلها على شكل حلزونى علشان لما تتقلب تبقى ماسكة نفسها

هنا بعد ما استوى وعلية طرنشات ليمون

بعد ما اتقلب بس طبعا كنا خلاص كلنا منة مقدرناش نستنى

[center]

[/center]

وهنا الملوخية افتكر كلنا عارفين طريقتها

هنا بعد ماعملت الطشة

والرز

والفراخ سلقتها وعملت خلطة طماطم مفرومة مع ملح فلفل اسود ومستردة وصويا صوص
ودهنتها وحطيتها فى الفرن

وعملت ترتة ايس كريم للقمر ام نور بس هنزلها فى ركن الحلويات بس تجنن بجد والله
تسلم ايد ام نور
ودة شكلها علشان احمسكم

عجبت ضيوفى جدااااااااا
يا رب يكون شغلى عجبكم
واى استفسار انا حاضرة معلش الشرح مش وافى اوى لان التحميل تعبنى اوى
متنسوش دعوة حلوة ليا انا والاولاد

بسم الله ما شاء الله

صحتين على قلوبكم

سفرة عامرة

ماشاء الله اصناف رائعة تسلم الايادي والله ربنا يعطكي الصحة والعافية سفرة عامرة وشهية

يسلموووووو دياتك يا عسل والف صحه علي يلي اكلو

ما شاء الله

سفرة عامرة

تسلم ايديكي وريته صحة وهنا

الله يعطيكى الف عافية يارب

وتسلمى على الوصفات الجميلة

وسفرة دائمة يارب وعامرة

والف هنا وعافية على قلوبكم يارب

ما شاء الله لاقوة الا بالله
ما شاء الله عليكي حبيبتي أم لولو
اصناف في غاية الروعة و تفتح النفس
تسلم الأيادي و يعطيكي العافية و صحتين عليكم يا رب
و سفرة عامرة و دايمة بإذن الله

تسلم ايدك حبيبتي
سفره عامره دووم

سفرة دايمة

صحة وهنا علي كل من اكل من وصفاتك الشهية



يا ريت حبيبتي تكبري الصور حتى تكون اوضح

الله يسلم ايدياتك يارب

روووووعة ماشاء الله عليكي

سفرة دايمة يارب ....وياريت بس تكبرين الصور لانها مو واضحة

ألف صحة وهناء على قلوبكم