طلب خاص من العضوات المصرياات

**نوره مومو** · 11-04-2009, 12:11 AM

السلام عليكم بنااات
انا عروسه جديده اعرف اطبخ بس مو كثير
ودي اعرف طريقه عمل الكوشري بليز بنااات علموني

**ام اكرم89** · 11-04-2009, 03:33 AM

سلام ياحبيبتي

طريقة الكشرى لفردين
كوب عدس بجبة(اسمر)يغسل كويس ويضاف علية مية ويوضع على النار حتى يتم نضجه وقبلها بيوم تكونى نقعه الحمص فى ميه ويتم ايضا نضجه على النار فى حله لوحده ونفس الموضوع تجيبى مكرونة وسلقيه عادى ويسلام لو شكلتيها اسباجتى مع صغيرة وبعدسلقها وتصفيتها اضيفى عليهامعلقتين زيت بعد كدة حمصى شويةشعرية فى الزيت لغاية متبقى لونها دهبى تكونى غسل الرز المصرى وتضيفى على الشعرية ويتم نضجهم
الصلصة(بصلة صغيرة مفرومة+فصين ثوم او ثلاثة يحمص فى الزيت ويضاف عليهم كوبتين صلصة +معلقتين كبار خل+معلقة صغيرة كمون وطبعا الملح بعد كدة هاتى بصلة كبيرة وقطعيها حلاقات وحمصيها فى الزيت لغاية اما لونها يبقى بنى صفيها على ورق لان البصلة دى اللى حتبقى على وش الكشرى جهزى طبقك وضيفى الرز الاول وبعدين المكرونة بعدهم العدس و الحمص واخر حاجة الصلصة والبصل المحمص الغامق
معلهش طولت عليك لكن مرة فى مرة حتلاقى طريقته سهلة واى حاجة عايزة تعرفيها انا معاكى

**ام نور2000** · 12-04-2009, 02:48 AM

السلام عليكم اختى الحبيبة طبعاالاخت ام كرم ردت عليكى وبالتفصيل وعالعموم اى خدمة اتفضلى وكلناواحد وتابعى وصفاتى ان شاءالله هاتعجبك

**ام ادهوم** · 12-04-2009, 04:00 PM

ماشاء الله ام اكرم قالت كل حاجة
بس انا بعمل الدقة اللى بتكون معاه فى البيت لكن ما بحبش الشطة
والدقة يا ستى عبارة عن توم مش كتير حوالى 6 فصوص
ومعلقتين كبار خل
وملح على حسب الذوق وكمون
وعصير نص لمونه
وطبعا مايه
التوم اكيد بيكون مدقوق مش مقطع بس بالسكينة علشان العصارة اللى فيه تطلع
يعطى دقيه بالسكي قبل ما تقطعيه واخلطيهم مع بعض وحطيهم فى زجاجة
ويارب تعجبك