*موضوع متميز*كنت عاملة عشا لخطيبي محشي ورق عنب وفراخ محشية تعالوا اتفضلوا معانا

**متوسمة صارمة** · 08-04-2009, 01:52 AM

السلام عليكم ورحمة الله وبركاته

هدخل في الموضوع علطول

اولا انا بشوف اغلب الناس بتعمل المحشي ني في ني بس انا بحب اصفر البصلة واحط معاها التوابل وعليهم صلصة الطماطم واسيبهم شوية على النار لغاية اما يتمازجوا

مقادير الخلطة

3بصلات كبار
2ملعقة سمنة
4ملاعق زيت
8كوبيات ارز مصري
توابل (شطة وكمون وفلفل اسمر ونعناع ناشف وملح طبعا)
الصلصة زي ماتحبي بس اقل حاجة 4كوبيات
خضرة المحشي وهي بقدونس وشبت وكزبرة خضرة
واسيبكم مع الصور

هنا حطيت السمنة والزيت والبصل والتوابل

وهنا اصفرت البصلة

وهنا حطيت الصلصة

وسيبتهم شوية على النار وشيلتهم وهنا حطيت الخضرة والرز المغسول

الحلة اللي هحشي فيها المحشي بحط في قاعها بصل ثم جزر ثم طماطم

يتبع

**متوسمة صارمة** · 08-04-2009, 01:56 AM

نيجي بأه للفراخ الخلطة اللي بحشي بيها الفرخة
1/3 كوب ارز للفرخة
بصلة صغيرة مبشورة
ملعقة سمنة صغيرة
وكبدة وقلب الفرخة متقطع صغير
وملح وفلفل اسمر وكل اما تزودي الفلفل الاسمر تطلع مفلفلة وجميلة
ديه الخلطة

وديه الفراخ بعد اما اتحشت طبعا مش كلها لخطيبي : )

وبحط ماية وفيها بصل وحبهان وورق لورو لغاية اما تغلي اسقط الفراخ وبعدها اهدي النار عشان يستوي الرز من جوه ممكن تاخد حوالي ساعه ونص
وهنا وهيه بتستوي

وبعد كده بحمرها في الفرن
وهنا الاكل بعد اما جهز
ده المحشي

وده الاكل كامل كنت عاملة جمبهم ملوخية

اتفضلوا معانا اكلة هنية تكفي مية

**ghada_osama** · 08-04-2009, 02:00 AM

تسلم الايادي ماشاء الله
شكلك مصرية اوى اكلتك مصرية صميمة
بصراحة اخدت كل الاطباق لوحدىىىى

**ماما الاء** · 08-04-2009, 02:03 AM

اه مصرية اوي اوي اوي بسم الله ما شا ءالله
تحفة يا روحي تحفة
لفة المحشي روووووعة ما شاء الله كلهم شكل بعض
يسلمو الايادي
وصحتين على خطيبك
منتظرين التورتة اللي وعدتينا حتزينيها لخطيبك

**ريدانة** · 08-04-2009, 02:10 AM

ما شاء الله الاكل شكله يجنن تسلم ايديكى يا قمر
وبالهنا والشفا

**حبيبة قلب امها** · 08-04-2009, 02:16 AM

واللهى جوعتينى جدا جدا جدا كده بروض وانا اصلا كنت دخله على جوع ههههههههه
انا حببتى بعمل المحشى زيك متسسسسسسسسسسسبك مش نى فى نى المصريين اهما
بس ايه الشغل الجامد ده لخطيبك امه دعياله
تسلم ايدك ياقمر

**حبيب عمرى** · 08-04-2009, 02:16 AM

تسلم ايدك حبيبتى

فكرتينى بالاكل اللى كنت بعملو لخطيبى
دلوقتى احنا اتجوزنا عقبالككككككككككك

**solafjo** · 08-04-2009, 03:00 AM

ما شاء الله عليكي
كل ده قبل الزواج امال بعده حتعملي ايه
انشاء بنفرح فيكي اختي

**sondos2010** · 08-04-2009, 03:05 AM

ربنا يهنيكى بخطيبك ويتمم لكم على خير
محشى ميه ميه
انا كمان بعمل زيك بالظبط لاااااااااااااازم اسبكله مش بقتنع بالنى فى نى ده
الف صحة وهنا وتسلم ايديكى

**Manoula Markech** · 08-04-2009, 03:07 AM

تسلم ايدك و الف صحه وهنا عليكم والله يهنيكم

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: موضوع متميزكنت عاملة عشا لخطيبي محشي ورق عنب وفراخ محشية تعالوا اتفضلوا معانا

أدوات الموضوع

العرض