السلام عليكم ورحمه الله وبركاته
اخواتى الاعزاء هقدم لكم النهارده طريقه حلوه قوى للسمك فى الفرن اتمنى يارب تعجبكم
المقادير
سمكه كبيره النوع اللى تحبيه
السمكه دى كانت ماشاء الله تلاته كيلو الا ربع
بصله كبييييييييييييييره مقطعه مربعات بالسكينه مش بالكبه
فلفل رومى مقطع مربعات
مفروم ثوم وجنزبيل طازج
حوالى كوب تمر بدون نواه ( ايوه تمر!)
لمون
البهارات( كركم ومهم جدا- كزبره ناشفه - فلفل اسود - بهارات مشكله - كمون - ملح)
كوب ماء ساخن
اول شى نضع زيت فى المقلاه ونضيف البصل ونقلب تقليبه واحده ونضيف الثوم والجنزبيل
وتقليبه واحده ونضيف البهارات والملح دفعه واحده
وتقلبيه واحده ونضيف الفلفل الرومى ولو حبيتى تزودى شطه بتكون روعه
وتقليبه برضو واحده ونرفع المقدار من على النار وكل الخطوه اللى فاتت دى بسرعه عشان احنا مش عايزين المقدار يدبل بعدين نعصر اللمون
ودى التتبيله بعد ما جهزت وطعم الكركم بيكون روعه فى تتبيلات السمكه وفعلا بيشيل اى زفاره وعن تجربه طبعا المقدار ده كله كان ممكن نحشى بيه السمكه نى فى نى بدون تشويح لكن صدقونى كده طعمه روععععععععععه جداً المهم نحشى بقى السمكه الجميله دى كويس
بعد كده نقفل السمكه بخله
بعد كده نخلى السمكه على جنب
ونجيب التمر نحطه فى الكبه ونزوده المايه السخنه منكترش من المايه يعنى نزود شويه شويه ونضرب التمر فى الكبه لحد مايبقى كريمى كده
نجيب السمكه بقى وندهنها من على الوش بالتمر الوش بس من تحت لا
بالشكل ده
ونضيف بقى زيت زى ماهو واضح كده ونغطى السمكه بالفويل وندخلها الفرن على درجه فوق المتوسطه ولما نحس ان السمكه تقريبا استوت نرفع الفويل عشان التمر ينشف شويه وتحمر وده شكلها النهائى مع الرز
عايزه اقولكم ان طعم التمر فعلا كان جميل جدا جدا وعجبت جدا العيال وابو العيال ههههه
ومتقلقوش من التجربه
اتمنى يكون الطبق عجبكم
ودمتم بود
الروابط المفضلة