*موضوع متميز*صينيه بطاطس بيوريه بالحمه المفرومه +كفته بانيه اول مشاركه وشجعوني بقي

**صحبه الجنه** · 24-03-2009, 05:46 PM

اخواتي الكريمات
هذه اول مشاركه لي في هذا الركن المتميز
فارجو ان تشجعوني
باذن الله اقدملكم النهارده
وصفتين روعه
من وصفات الوالده يحفظها ربي ويخليها
عملاهم في بيتي

سهله سريعه وكمان اقتصاديه
اول وصفه

صينية بطاطس بيوريه بالحمه المفرومه

المقادير
لعمل صينيه صغيره تكفي لاربعه اشخاص
نصف كيلو لحمه مفرومه او اقل كمان
حوالي 6حبات بطاطس متوسطه مسلوقه
زبده لدهن الصينيه
بيضه
ونصف فنجان صغير لبن
ملح وفلفل اسود
اولا نعصج اللحمه المفرومه بوضع بصله صغيره مقطعه وباقي البهارات المعروفه

نقوم بهرس حبات البطاطس ونضع الملح والفلفل الاسود حسب المذاق المحبب

نحضر صينيه وندهنها بالزبده او السمن حوالي معلقتين

نضع اول طبقه نصف كميه البطاطس المهروسه ونفردها في الصينيه
ثم نضع طبقه اللحمه المفرومه

بالشكل ده

ثم نضع النصف التاني من البطاطس ونفردهم
وبعدين نخفق البيضه مع رشه فلفل اسود
ومعاهم نصف فنجان لبن

ونسقي بيهم الصينيه وده شكلها قبل ما تدخل الفرن

وتدخل الفرن علي درجه حراره عاليه 240 حوالي 10 حتي15 دقيقه وبعدين طفيت الفرن وشغلت الشوايه وعاليتها عشان الوش يتحمر

وده الشكل بعد ماخرجت من الفرن

وده بقي عند التقديم

وده مع اللحمه المفضله للغاليه ام شادي ربنا يحفظها

بجد ياجماعه والله طعمها تحفه جدا اللي عوزاها تبقي متماسكه في التقطيع تستني عليها شويه لما تبرد

لكن نصيحه مش مهم الشكل طعمها وهي سخنه روعه والله زي الزبده تدوب في الفم

مش هطول عليكو زمانكو زهقتو من الرغي

كفته بانيه

طريقه جربتها وبجد بتدي طعم جميل جدا للكفته وجديد لازم تجربوها

المقادير والطريقه

حوالي نصف كيلو لحمه مفرومه فقط

تبشر عليهم بصله صغيره

ويتبلو بملح وفلفل وبهارات لحمه لو عايزين

ثم تبطط الي اقراص رقيقه بعض الشيء حتي تستوي بسرعه في الزيت بهذا الشكل

ثم نضعهم في دقيق وبعدين ننفض الدقيق الزياده
بالشكل ده

ثم نضعهم في بيض عليه رشه فلفل وحبه ميه<< ماء >>صغيرين اوي

ثم نضعهم في البقسماط بالشكل ده

واخيرا نقليهم في الزيت علي نار هديه عشان يستوا كويس

وده الشكل النهائي ويارب يعجبكوا

شفتوا اسهل من كده وكمان بتدي كميه ماشاء الله وتنفع للعزومات

وبالف هنا وشفا يا غاليات

انتظر آرأكم

لاتنسوني انا والوالده بدعوه في ظهر الغيب

دمتم بصحه وعافيه

**Manoula Markech** · 24-03-2009, 05:50 PM

تسلم ايدك عزيزتي و الله يحفظلك الماما

**loverose233** · 24-03-2009, 06:02 PM

ماشاء الله عليك يا صحبة نورتييييييييييي يارب متكنش اخر مرة نشوفك فيها في كل الاقسام عايزاك تنتشري كده في كل الاقساااااااام هههههه...ربنا يجعل فايدة مواضيعك الحلوة في ميزان حسناتك ياااااارب

**solafjo** · 24-03-2009, 06:29 PM

يسلمو ايديكي وربنا يخلي الك الوالده ويحفظها

**سنيوره قمر** · 24-03-2009, 06:34 PM

الف شكررررررررررررررر صحبة الجنه
وكثرررررررري لنا من هالطبخات السهله والسررريعه
ونشوفك ان شاء الله في كل الاركان

**صحبه الجنه** · 24-03-2009, 06:35 PM

Manoula Markech

النجم البرونزي

solafjo

عضو نشيط

تسلمولي يا غاليات علي مروركم العطر

ربنا يتقبل دعاكم ولكم بمثله

دمتم في امان الله

**سنيوره قمر** · 24-03-2009, 06:37 PM

ونسيت ادعي لامك الله يخليها لك
ولايحرمنا من طبخاتها هههههههه

**حنان(البحرين)** · 24-03-2009, 07:57 PM

تسلم يدكِ عزيزتي على الوصفات الطيبه وياهلا بكِ

**صحبه الجنه** · 24-03-2009, 08:04 PM

كتبت بواسطة loverose233

ماشاء الله عليك يا صحبة نورتييييييييييي يارب متكنش اخر مرة نشوفك فيها في كل الاقسام عايزاك تنتشري كده في كل الاقساااااااام هههههه...ربنا يجعل فايدة مواضيعك الحلوة في ميزان حسناتك ياااااارب

عسل والله يا روزه هههههههههه

ربنا يبارك فيكي انت اللي نورتي موضوعي

ويارب يكون الموضوع عجبكم فعلا واستفدتم منه

**صحبه الجنه** · 24-03-2009, 08:31 PM

كتبت بواسطة سنيوره قمر

الف شكررررررررررررررر صحبة الجنه
وكثرررررررري لنا من هالطبخات السهله والسررريعه
ونشوفك ان شاء الله في كل الاركان

تسلمي ياقمرايه علي زوقك

ومشكوررررررررررررررره علي مرورك العطر

ونسيت ادعي لامك الله يخليها لك
ولايحرمنا من طبخاتها هههههههه

يارب يتقبل منك يارب

اصل مامتي دي زي العسل ربنا حفظهالي

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: موضوع متميزصينيه بطاطس بيوريه بالحمه المفرومه +كفته بانيه اول مشاركه وشجعوني بقي

أدوات الموضوع

العرض