نبدأ بالسلام عليكم ورحمة الله و بركاته

و عشان ما اطول عليكم ....الحلة المطلوبة هالمرة هى حلة مكونة من دورين : دور اول غويط ودور فوقانى او علوى يكون مثقب ....وهى حلة التبخير

المقادير :

- دجاجتان ( هالمرة مو الدجاج البلدى بل الابيض)
- كيس شعرية صينى أو فيرميسللى يتم سلقها
- باقة كزبرة
- باقة بقدونس
- 1 حبة طماطم
- 1 ليمونة
- 1 بيضة
- 1 مكعب ماجى
-نصف ملعقة كبيرة مليانة فلفل احمر بودرة
- " " " " كمون
- ملعقة صغيييرة فلفل اسود
- ملح
- شطة ( معجون او بودرة)

الطريقة :
بعد سلق الشعرية و تصفيتها.... تخلط جميع المقادير السابق ذكرها فى طبق جانبى كبير ثم توضع معها الشعرية.
تجيبين الدجاج و تحشينهم بهذا الخليط و من ثم تخيطى الدجاج من تحت ولو بقى معك بعض الشعرية ضعيه فى كيس قماش .
ورصى يا ستى الدجاج فى الحلة العلوية و ضعى الى جنبه الكيس و املي الحلة السفلى يالماء الكثير و ضعيها على النار.

و لما يستوى الدجاج ارفعيه و اطليه بمكعب اخر من ماجى مفتت فى بعض الزيت و اخليه الفرن عشان ياخذ لوووووون .
فى طبق التقديم ضعى محتوى الكيس من شعرية فى الطبق و ضعى فوقها الدجاج بعد ما تشيلين الخيط ....... يقدم مع اطباق صغيرة جدا بها ملح و كمون حول الطبق ...

و بالف هناااااا و شفااااااااا

تنسينى لو طلع حلو

يا مال العاافية
تسلمين يالغالية
واي مبين عليها لذيييييييييييذة يم يم يم

بس ترى مافهمت شلون صايرة هالحلة ممكن تفسرين اكثر ( ما عليج امر )

وسلااااااامتج

يا ستى بالف هنااا و شفا

ااااخ لو كنت اعرف شلون احط صور كان حطيت لج صورتها

بس على العموم ان شاء الله الوصف بيفيد : هى حلة و حدة مكونة من جزئين واحد بركب فوق الثانى و اللى تحت بيكون عميق و اللى بيركب فوقه بيكون مثقوب مثل المصفاة عشان عملية الطهى بالبخار ....الماي اللى تطلع من اللى تحت هى اللى تسوى الاكل اللى فوق ...و احنا نسميها حلة الكسكاس ..نسبة الى الكسكس لان هى اللى ينطبخ عليها الكسكسى ...و اعتقد ان لو زوجة اخوج قريبة ممكن توريكى هى او لو بعيدة خليها تقولج من وين يايبتها من الكويت اكيد مو معقول تكون ما عندها او جايبتها على كبرها من المغرب ...ههههه
ولو ما نفع الموضوع ..سوي مثلى ( ترا انا كمان ما عندى هنا....فشييييييلة..هههه) اطبخيها فى حلة الضغط و الله احسن حتى ما تاخذ وقت مثل الاولى...و ذلك بأن تحطى ماي بالحلة و تحطى كوب شاى او mag و اقلبيه على فمه و ضعى عليه المصفاة الخاصة بالحلة ( المصفاة تجى عادة مع الحلة) و فى هذه المصفاة يوضع الدياي ... بس عاد لازم تكون من الحجم الكبير عشان تستوعب ..... ولو فيه اى سؤال انا حاضرة ...و فكينا و اللى برحم والديج من سالفة ممكن و ثقلت عليج و هالسوالف ترااا ما احبها مولية ...ابيج تطلبين و تتدللين سيييييييدا و بدون مقدمات يعنى دشي علي عرض و انا أحبج يا فننس ....هههههه

خخخخخخخخخخخخخ
والله حالة
خلاص الحين فهمت بس انا عندي جدر مال التبخيير بالكهربا ينفع صح؟

مشكوووورة حبيبتي وايد
بس على طاري الشطة مرة زرت زوجة اخوي وصبت لنا شطة بصحن والشطة هذي مو معجون لا كانت مثل الماي لونها حمر تهببببببببببببل لدرجة اني استحيت من كثر ما بلعت فيها خخخخخخخخخخ المهم الشطة هذي تنباع بالجمعيات ولا تتحظر بالبيوت وشلون احصلها ؟؟؟
تكفين ردي علي 0

اوبااااااااا.....عاد هذا مال الكهرب انا ما قد سمعت فيه بس لو انت مجربته و يبخر زين ...بيصير هو ..حتى لو ياخذ وقت ..ماعليه ..حنا ايش ورانا الا معدات ازواجنا

اما عن الشطة ...فهذى مرت اخوج بغت ترحمكم من الشطة الاصلية فامت حطت الموية حقها بس ...لان الاصلية تخليج مثل التنين ناااار طالعة من كل صوووب

وهاذى يا ستى طريقتها بسيطة ...كانت امى الله يحفظها تسويها بكميات و تحفظها بس الله وكيل كانت ايدينها تقعد تعورها تلاث ايام عقبها....

هذى الله يسلمج بتييبين الفلفل الاحمر الصغير جدا ...طول البنصر (عرفتيه؟يكون حامى مررررة) و تشيلين راسه و تفتحيه من الجنب و تشيلين البذر الابيض اللى داخله و لا بأس ات تتغاضى عن بعض البذر....

ثم تجيبين المفرمة اليدوية ( تذكرينها ؟؟؟) اللى كانو اهلنا يستعملونها قبل المولينيكس و التكنولوجيا لفرم اللوز و اللحم..الخ ....بس تصدقين تراها احسن ..بس تتعب فى لفها..و اذا ما عندج فلا بأس من استخدام التكنولوجيا الحديثة
المهم تحطين الفلفل فى الفرامة و تفرمينه لين يصبح عجين و كلما استعصت عملية الفرم حطى زيت زيتون لين يصبح اللى عندج عجينة يطل منها بذر ابيض صغير و مبللة بزيت الزيتون.
عبيها فى برطمانات و على كل برطمان صبى قدر كافى من زيت الزيتون و غطيها و احفظيها عندج تراها ما تخترب و تطول ...بس ديري بالج لا يجى عليها مااي وانتى تاخذين منها...
و احيانا يكون زيتها هذا كاااااااااافى

تحذيرهااام:
عند تحضير هذه الشطة حاولى لبس كل ما عندج فى البيت من قفازات واذا قدرتى تجيبي كمان زود هم احسن ....لأن الاصابع تروح فيها

اما للكسالى امثالى فبلا وجع قلب و روحوا دوروها فى الاسواق تحت اسم " هريسة " و خلصوا روحكم...بس للأمانة مالت الاسواق ما تطلع حامية كثير مثل البيتى هذه..بالاضافة الى المواد الحافظة اللى يحطونها فيها...البيتى مثل ما شفتى ما فيها شئ.
و هى تنفع فى حالات زعل الزوجة من زوجها ..زودى المقدار بالغلط ...و خليه يستمتع وان قال لج ليش ما تاكلين ...قولى له تونى سامعة عن ريجيم اليوم الواحد

اد اية سهلة وباين عليها لذيذة تسلم ايدك انا عاوزة اتعلم الاكل المغربي كنوع جديد من انواع الطعام تسلمي وهمتك معانا

تسلم ايدك

نانوو الجميلة ..انا من عينى اليمين قبل عينى الشمال وان ما كفوش نستعين بالنظارة ههههه
الاكلة الللى انت عايزاها قوليلي عليها و انا تحت امرك،، بس بكده حتكونى فتحتى على نفسك فتوووحة ....الاكل المصرى لا يعلى عليه و انا طمااااعة هههههههه.


رابى ...يسلمو ايدين اللى كتب و الف شكر على مرورك الكريم

تسلميييييييييييييييين
ماقصرتي يالغالية مشكوووووورة وايد

رح اجربها وارد عليج
بالنسبة للخلاط ماكو غيره الي يطحن البهار انا عارفته بس تصدقين ماهقيتها سهلة لهالدرجة
عالعموووم لازم اجربها باكل زوجي الاول وبعدين اذا اظبطت خخ اكل منها انا
ها شراايج

لا بقي السلطانة دي سلطانة دولية بتعرف تتكلم كل الغات اشي مصري واشي مغربي واشي كمان كويتي علي راي غفرانك العزيزة انك بتحجي كويتي زين
علي العموم يا سيتي الف شكر علي كلامك الجميل وانا كمان في الخدمة صحيح انا لسة متعلمة الطبخ جديد بس ولا يهمك بفوت في الحديد هاهاهاهاها