*موضوع متميز*كفته مشويه ومكرونه من مطبخى وبالصور

**حبيبة قلب امها** · 09-03-2009, 04:31 AM

السلام عليكم ورحمة الله وبركاته

هلا فيكم اخواتى اليوم حبيت اقدم لكم اكله بسيطة وجميله واكيد كلكم تعملوها ولكل منا طرقته
عملت اليوم كفته مشويه على الجريل او الشوايه الكهربائيه ومكرونه واتمنى يعجبكم

نبدأ بالكفته

المقادير

الطبق فيه
بصل مفروم
ثوم مفروم
جنزبيل طازج مفروم
بقدونس مفروم
واحد فلفل اخضر مفروم
بابريكيا - ملح - فلفل اسود- بهارات مشكله- كزبره مطحونه - بجانب معلقه صغيره من مطحون ال( هيل - االقرنفل - البردقوش- الريحان - ورق لورا )

كل المكونات دى نضع عليهم كيلو لحم مفروم من النوع اللى بتفضليه

هنا خلطت اللحمه كويس مع التتبيله وصبعت اللحمه على اسياخ وحطتها تتشوى على الشوايه

نسيب بقى الكفته تتشوى ونعمل المكرونه طبعا الطرق كتير وانا بحب الطريقه دى عشان سهله ولذيذه فى نفس الوقت

المقادير

بصل مفروم
ثوم وجنزبيل طازج مفروم
جزر مبشور
طماطم مكعبات
فلفل اخضر رومى مقطع مكعبات
صلصه طماطم
مرقه دجاج
صويا صوص
كيس مكرونه

الطريقه

نشوح البصله فى قليل من الزيت وحته زبده صغنونه

بعدها نضيف الثوم والجنزبيل ونستمر فى التشويح لحد مايدبلو شويه بعدها نضيف الطماطم

بعد كده نضيف معلقه صلصه كبيره ومرقه الدجاج

بعد كده نضيف 3 ملاعق كبيره صويا صوص

بعدها نضيف الجزر المبشور والفلفل ونتبل الخليط ونقلب كويس

نسلق المكرونه ونخليها متتهريش تكون برونقها كده ونضفها للخليط ونقلب

نرجع بقى للكفته ونكون طبعا واخدين بالنا ونقلبها على الشوايه وفى النهايه بقى نشوف الاطباق

يارب تكون الاطباق البسيطة عجبتكم

ارجوكم اخواتى ادعولى ربنا يفك كربى وكرب زوجى وييسر لنا امرنا

**الحيآء رآيتي** · 09-03-2009, 04:46 AM

بارك الله فيك

**أم العلاء 2** · 09-03-2009, 04:52 AM

ما شاء الله .. لا قوة إلا بالله
الكفتة و المكرونة شكلهم مش معقول .. جروا ريقي
تسلمي حبيبتي و حبيبة قلب أمك على الوصفات
و تسلم إيديكي و عينيكي يا رب .. و صحتين وعافية