ممكن اعرف طريقة عمل الكشري لو سمحتو
شكرا هذا اول مرة اطلب طلب

ازيك يا قمر

بصى الكشرى
المقادير
عدس بجبه ( اسمر)
ارز
مكرونه
بصله مقطعه شرايح
عصير طماطم
صلصله
الاول تحمرى البصله فى زيت لحد ما يبقلى لونها دهبى وتشيلى تلات اربعها على جنب والباقى تحطى عليه العدس وميه وتسيبه يغلى لحد ما تحسى ان العدس بدا يدخل فى السوا تضيفى الرز وتوطى عليهم عشان يستوى
وبعدين تسلقى المكرونه وتعمليلها الصلصه بتاعنها بالزيت
لما العدس والرز يستوى تحطيها فوقهم
الصلصه : بتحمرى بصله برضه فى زيت وتحطى عليها عصير الطماطم وملح وفلفل وشطه وتسيبهم يغلو مع بعض

بس وتغرفى بقى الطبق وتحطى على الوش البصل اللى حمرناه فى الاول والصلصه وممكن تعصرى ليمون وبالهنا والشفا اتمنى اكون افادتك



انا سالتلك ماما على الطريقه بالظبط واى سؤال تحت امرك يا جميل

http://www.lakii.com/vb/showthread.p...C7%E1%C7%D1%D2

حبيبتي شوفي الرابط ده ان شاء الله يفيدك

اهلا اختي العزيزه
تسلمي نانا على التعاون
كشري على الطريقه المصريه خطوه خطوه بالصور
كشري على الطريقه المصريه خطوه خطوه بالصور

بصى يا قمر
عندى طريقة سهلة ومن عند بتوع الكشرى
اللى هو أحنا
أولا لو هتعملى بمقادير
أعملى ثلاث أكواب أرز
وبصلتين كبار
وربع كيلو عدس بجبة (العدس البنى )
وربع كيلو مكرونة صغيرة
كوب صغير شعرية
الطريقة

...
قطعى البصلة شرايح رفيعة ومتساوية
حمريها فى كمية زيت معقولة (كوب ألا ربع زيت نباتى )
مع التقليب المستمر حتى تتحمر كلها سويا
وعندما يبدا لونها يكتسب اللون الذهبى وبدات تنشف ولو قليلا
أنتشلى أغلبها وضعى على الفور الشعرية
حمريها مع المتبقى من البصل
الى أن تتحمر وضعى خمس أكواب ماء
عندما يغلى الماء أضيفى الرز المغسول
ألى ان يستوى كالمعتاد
هذه المرحلة الولى
المرحلة الثانية
أسلقى العدس لوحده وكذلك المكرونة
لوحدها ..وبعد أن يتم نضج كلا على حده
لكى الأختيار ان تضيفيهم كلهم على بعض
أو تتركينهم كما هم
وحسب الرغبة
هناك من يحب أضافة عدس كتير
ومنهم من يحب أضافة مكرونة اكثر

.............

الصلصة ...أعصرى طماطم
وحمرى أربع فصوص توم كبار مع ملح وكمون وشطة بسيط وكزبرة ناعمة
وعندما يبدأوا فى الدخول على اللون الذهبى ضيفى عليهم ربع فنجان خل ثم أرفعى جزء منهم
أتركيهم لعمل الدقة
و الباقى ضيفى عليهم الطماطم المصفاة
ودعيها تغلى ألى أن تتسبك
وبالهنا والشفا
ولو فى اى اسئلة انا فى الخدمة

تقبلى مرورى

متشكرررررررررررررررةةةةةةةةةة اوي اوي اوي ها عجبتكم لهجتي المصرية لو ضحكتو علي
وراح اسويها اليوم واقل لكم شنو صار وياي

الف عافية عليكم مقدما

يعطيكم العافية