مرحبا يا حلوين 
هي أول مشاركة إلي من هالنوع وأول طبق بنزله عالنت باعتباري عروس جديدة (إلى حد ما
) يعني جديدة عالمطبخ
بقى لو لاقيت تشجيع رح صير نزل أطباقي كل ما بقادر
وهلأ بنبلش بالوصفة
المكونات
للحشوة:
نص كيلو لحمة مفرومة ( بقري أو غنم)
بصلتين متوسطتي الحجم
حبتين بندورة منزوعتي القشر ومفرومتين فرم ناعم
بهارات متنوعة مطحونة (قرفة وقرنفل وهيل، بهار مشكل)
ملح
فنجان شاي حمص مسلوق
فنجان درة مسلوقة
للباشاميل
ملعقتين طعام زيت+ 3 ملاعق طعام زبدة
4 ملاعق طعام طحين
3 كاسات حليب
مكعبين ماجي مذابين في كاسة ماء
1/2 ملعقة شاي جوزة الطيب مبشورة
علبة مكرونا ( يفضل شكلين وهيك رح ناخد نص العلبة من الشكل الأولاني ونص من الشكل التاني)
بقسماط أو جبنة أو الاثنين معا لتغطية الوجه (انا استخدمت البقسماط فقط لأن زوجي الحبيب ما بيحب الجبنة على وش المعكرونة)
الطريقة:
للحشوة:
نسخن ملعقتين طعام زيت وملعقة زبدة وننشوح فيها البصلتين المفرومتين حتى يتغير لونها وتصبح شفافة
نضيف اللحمة المفرومة ونقلب
نضيف البهارات ونقلب كمية تغطي زنخة اللحمة ( ممكن 1 و 1/2 ملعقة شاي)
نترك المزيح على نار هادئة ونغطيه لمدة ثلث ساعة
نضيف البندورة ونقلب لمدة 5 دقايق
نضيف الحمص المسلوق والذرة المسلوقة ونقلب لمدة 5 دقائق
ونترك الحشوة تبرد
وهذا شكل الحشوة النهائي
للباشاميل:
نسخن ملعقتين طعام زيت ونذيب 3 ملاعق زبدة وبسرعة نضيف الطحين بالتدريج ونحرك بملعقة خشب او بخفاقة حتى يصبح القوام كريميا
نضيف الحليب بالتدريج ونحرك على نار هادئة إلى أن يغلظ قوام الباشميل
نضيف مرقة ماجي وننحرك حتى يتجانس الخليط
نضيف جوزة الطيب ونحرك صم نترك المزيح حتى يبرد
لللمكرونا:
نسلق المكرونا في ماء ورشة ملح لمدة 5-8 دقائق (مو اكتر) ثم نغسلها تحت الحنفية ونصفيها من الماء
ثم نخلط ما يعادل كأس ونصف من الباشاميل بالمكرونا
نقوم برص نصف كمية المكرونا في صينية بايروكس .. ثم نوزع الحشوة فوقها
ثم نوزع كمية المكرونا المتبقية فوق الحشوة
ونصب الكمية المتبقية من الباشاميل فوق المعكرونة ..
ونغطي الباشميل بالقسماط أو بالجبنة أو النصف بالنصف
ندخلها الفرن لمدة نصف ساعة من الأسفل .. و10 دقائق من الأعلى
.. وصحتين وهنا
يللا لا تبخلوا عليي برأيكن .. حتى لو سلبي .. واللي ناوية تطبقها تقولي لى النتيجة 
*طبق متميز*مكرونا بالباشميل (بحشوتي الخاصة)
رد مع الاستدلال
كتبت بواسطة ام فريد
الروابط المفضلة