انا كنت مترددة انزل الموضوع ده هنا ولا فين بالظبط بس قلت انزله هنا امبارح جوزى قالى ان اكلى كله بايز وانى مش بعرف اعمل اكل حلو خالص طبعا احنا بقالنا حوالى 3.5 سنين جواز انا اتصدمت ومش عارفة اعمل ايه وبشهادة الناس كلها انى بعرف اطبخ كويس حتى والدتى بتقولى انى اكلى بقى احسن من اكلها وهو نفسه كان بيقول كده مش عارفة اعمل ايه انا بشتغل وبروح البيت على الساعة 6 وبعمل اكله تقعد معايا يومين مثلا ويوم الجازة بتبل اللحمة والفراخ واشيلهم فى الفريزر واطلعهم وقت الأكل والخضار بجيب طماطم واشيلها فى الفريزر واطلعها وقت الطبخ ياريت تساعدونى انا بجد مشتتة ومصدومة

اهلااااااا حبيبتي الغاليه اولا ربنا يديكي الصحة علي شيللك اعباء البيت وتربيه البيبي وكمان الشغل خدي باللك اولا من بيتك وطلباته وكمان اهم حاجه التنظيم الوقت ضروري وكمان اعملي دوري بالمنتدي حتلاقي الاركان مليانه اطباق سريعة وجميله حاولي تعملي الجديد والا يناسب وقتك واهلا ومرحباااااااااااا

انا بحاول فعلا اعمل كده وفى نفس الوقت برده بحاول اعمل الأكل اللى هو بيحبه انا مش عارفة انا غلط فى ايه ياريت لو حد عنده روابط مثلا لطرق اكل للمبتدئين وخصوصا الخضار المسبك واتعلم من اول وجديد يمكن انا غلطانة فى حاجة

متزعليش معظم الازواج بيقولوا كده وهو تلاقيه وحشوه اكل والدته ويمكن يكون اكلك احلى بس حسب ما اتعود
لو قدرتى استفسرى منها على طرق طبخها لبعض الاكلات بطريقه خبيثه لانى عارفه انك حتتكسفى تسالى ولو معرفتيش دورى فى المنتدى وحتلاقى وصفات جميله وكمان فيه برنامج فى قناة الاسره والطفل الساع 7 واعاده 2 عصرا اكلاته ممتازه وده كل يوم
بالتوفيق وربنا معكى

كتبت بواسطة nada77

متزعليش معظم الازواج بيقولوا كده وهو تلاقيه وحشوه اكل والدته ويمكن يكون اكلك احلى بس حسب ما اتعود
لو قدرتى استفسرى منها على طرق طبخها لبعض الاكلات بطريقه خبيثه لانى عارفه انك حتتكسفى تسالى ولو معرفتيش دورى فى المنتدى وحتلاقى وصفات جميله وكمان فيه برنامج فى قناة الاسره والطفل الساع 7 واعاده 2 عصرا اكلاته ممتازه وده كل يوم
بالتوفيق وربنا معكى

انا فعلا بعمل الأكل بنفس طريقة والدته واخواته واما بدوق الأكل عندهم بحس انه نفس طعم اكلى وبحاول اطبق اكلات من المنتدى هنا اما البرنامج انا فعلا كنت بتابعه قبل ما انزل الشغل دلوقتى انا يادوب برجع من الشغل بعد ما بروح اجيب ادم من عند ماما الساعة 6 ويدوب الحق احضر الأكل والاعادة بكون فى الشغل واما بعمل اكل من الطرق ديه سواء تلفزيون او منتدى بيتريق على

هو كده بيعكسك شويه معلش حاولى تعرفى ايه اللى مش عاجبه بالظبط يمكن الملح او الاكل مش حرش زى ما بنقول بالبلدى وكمان حاولى تستعينى بالتوابل بتدى طعم كويس للاكل

كتبت بواسطة nada77

هو كده بيعكسك شويه معلش حاولى تعرفى ايه اللى مش عاجبه بالظبط يمكن الملح او الاكل مش حرش زى ما بنقول بالبلدى وكمان حاولى تستعينى بالتوابل بتدى طعم كويس للاكل

حاضر هجرب ولو انى بعمل كده يعنى مثلا انا لما بعمل اى خضار بحمر البصلة فى السمن وبعدين بحط عليها الثوم وقرن فلفل اخضر حامى شوية واما تصفر بحط الطماطم واسيبها تتسبك كويس وبعدين احط الملح والفلفل الأسود وبهارات وشوية زعتر وشوية كزبرة ولو شوية قرفة صغنين واما تتسبك كويس بحط الخضار واسيبه يستوى براحته هلى فى طريقة تانية ولو فى قولولى

والله برافو عليكى ميه ميه يمكن عاوز معاها لحمه ضانى ههههههههه
ربى يعينك حاولى تساليه ايه اللى مش بيعجبه وتسيسيه شويه الرجال بيحبو المحايله اصلى كنت زيك كده وفضلت وراه بس مش عارفه هل اكلى اتظبط ولا هو استسلم ورضا بقضاء الله وقدره

عزيزتي اذا كان اكلك جيد ويمدحوا فيه الا جوزك ممكن تسأليه وين الغلط بالاكل واللي ما يعجبه
فيه حتى تغيريه

ما تزعليش نفسك كلهم كدة انا مريت بنفس الصدمة من حوالي شهرين بعد 5 سنين خدمة علي راي عادل امام هههههههههه
انتي ما شاء الله شطورة من خلال وصفك استطعمت الاكل و الله يكون في عونك بيت وشغل وابنك الله يخلي لك بصي انتي اعملي اللي بيحبه و اطبخي في الفرن اسرع علي ما يستوي نكوني عملتي حاجة تانية ذي صينية البطاطس او القرنبيط بالباشميل الفراخ المشوية كل الوصفات دي في المنتدي لو مش هاتلاقيها قولي لي وانا ابعتهالك