|
للبحث في شبكة لكِ النسائية:
|
عضو نشيط
يا بنات انا عندى بواقى سمك فيليه وجمبرى وسبيط حوالى 1/2 كيلو من كل صنف هما مقليين طبعا بس انا عارفة طالما بايتين يبقى جوزى مش هيرضى ياكلهم قولولى اعمل ايه انا فكرت انى اشيل الطبقى بتاعة الجمبرى وافرمه واعمله كفتة مش عارفة ده صح ولا لا واذا كان صح ايه هى طريقة كفتة الجمبرى ولو فى طريقة تانية لاستغلاه قولولى عليها اما الفليه قلت اعمله صيادية بس انا مش عارفة طريقتها او اعمله كفتة هو كمان دلونى اما السبيط بقى مش عارفة اعمله ايه ياريت تساعدونى يا بنات احسن انا مش عاوزاه يبوز واضطر ارميه
النجم الفضي
اعملى حبيبتى رز صياديه و بعد ما يخلص ويشرب ميته
ضيفى عليه السبيط و الجمبرى او السبيط فقط
والجمبرى اعملى بيه سلطه جمبرى بالمايونيز
او سلطه المكرونه مع الجمبرى و السبيط
وده لينك للرز طريقتى
http://www.lakii.com/vb/showthread.php?t=493448
ولو عايزه اى تفسير قولى يا ميرو
آخر مرة عدل بواسطة roina : 03-03-2009 في 11:14 AM
"متميزة صيف 1429هـ و مُبدعة صيف 1430هـ "صانعة الأطايب
شوحى بصله وفلفل اخضر عالنار وضيفى طماطم مكعبات
وملعقتين صلصه وسبيهم يتسبكوا كويس
حطى عليهم البواقى اللى عندك وقلبى وضعيهم فى صينيه فى الفرن ورشى عالوجه جبنه
وقدميه مع رز
عضو نشيط
انا عاوزة اقولك شكرا جدا لردك علىكتبت بواسطة roina
انا تقريبا بعمل الرز بنفس طريقتك بالظبط بس انا كان قصدى انى مثلا لو ممكن استخدم جزء والباقى اشيله فى الفريزر واعمل بشكل تانى زى فكرة الكفتة ديه مثلا هل ده ينفع بعد ما قلينا الجمبرى والسمك وانا فعلا هعمل سلطة المكرونة والسبيط ديه النهارده لكن ازاى اعمل سلطة الجمبرى بالمايونيز
عضو نشيط
شكرا على ردك على يا ام نور مش عارفة هتكونى فاكرانى ولا لا عموما ميرسى لذوقك كتير بس كنت عاوزة اسألك هل هى ديه الصياديه ولا ايه ولو ممكن تقوليلى اعمل ازاى كفتة السمك والجمبرى والصيادية
النجم الفضي
بصى يا قمر هاتى مايونيز وخس
ولو خيار مخلل كمان هيبقى اروع
وذره فلفل اسود وشويه بابريكا لو موجوده وممكن تستغنى عنها
هاتى الجمبرى و قلبيه بالمايونيز و قطعى الخس و الخيار قطع صغيره زى السلطه الخضرا
وقلبيهم ما لهش مقدار مقدارك انتى بنظرك بالسمك اللى انتى عايزاه وما تحطيش ملح لأن الجمبرى متبل والمايونيز مش محتاج ملح
والطريقه دى بسيطه جدا مش كده
يار باكون افدتك
عضو نشيط
فعلا طريقة سهلة وحلوة جدا سؤال بقى هل ينفع اعمل السمك اشيل طبقة القلى اللى عليبه وافرمه واعمله كفتة وافرزه فى الفريزر وارجع اقليه تانى وقت الحاجة ولا ايه
النجم الفضي
بصى انا ما عنديش خبره كويسه بس ممكن نألف احنا بنعمل كده فى بواقى الفراخ
نجرب ونألف فى السمك
شيلى الطبقه الخارجيه
وافرميه فى الكبه مع فلفل رومى مثلا وقلبيه بملعقه ببيضه ورشه كمون وفلفل اسود لحد اما يمسك فى بعضه واعمليه اقراص او صوابع
وحطيه فى الدقيق والبقسماط
وحطيه فى الفريزر لحين القلى عشان يعمل طبقه حلوه
جربى وربنا يسهل
وطمنينى
النجم البرونزي
انا كان عندي عزومه فعملت سمك وجمبري وكابوريا بكميات كبيره
اتبقي كتييييييييييييير وطبعا كانوا مقليين
شلت الطبقه وفرمت الجمبري وحطيت عليه بصل وتوم وفلفل اخضر وبهارات ومايونيز وكاتشب ومسترده وضربتهم في الخلاط وعملتها كفته وااااااااااااااااااااااااااااااااااااااااااااااااا اااااااو
وكان باقي كمان ضربت سمك وجمبري وكابوري وكنت عمله كفته تونه طبعا كنت قلياها في بيض وبقسماط والله كله ضربته وعملت بيتزا وحشتهم بيها
عضو نشيط
شكرا ليكى كتير على طريقة الكفتة وفكرة حلوة فكرة البيتزا هجربها انشاء الله
أعضاء قرؤوا هذا الموضوع: 0
رد مع الاستدلال
[
الروابط المفضلة