بسم الله الرحمن الرحيم
السلام عليكم ورحمة الله وبركاته
محشي اللفت
طبعاً المووضع مبين من عنوانه............السماق بالخليل كتير زاكي ودار سيدي عندهم شوية سماقات بالكروم كل سنة بلقطوهم وبطحنوهم وبتوزع اللي بتوزع وبنباع اللي ينباع وببقى شو حامض م بجنن
بس قطف السماق والله بغلب لانه كتير بدبق بالايدين ............انا بصراحة رحت معهم مرة لقطت ومعدتهاش مقدرتش عليه
ما علينا المهم هلاء لقطنا السماق ونشفنا وطحناا واجى دور انه نستعمله
وبشو ممكن نطبخ باشي زاكي؟ مافي غير محشي اللفت تعو نشوف كيف نعمله
اول شي نقشرة ونقوره
]
ونحضر الحشوة..........لحمة مفرومة ورز وبهارات ملح وفلفل وبهار ودقة........زي ما تحبي يكون بالحشوة
انا بحب اقلي الحشوة اول اشوية على النار
وبعدين نحشي لحتى يوصل تلتينه او حسب انتي وخبرتك
وهلا نقليييييي بالمقلاة لحتى يحمر
على فكرة انا بس اقلية بحمي الغاز على الآخر ويادوب انزل المحشية فيه تاخد لون وبعدين اشيلها عشان ما يشرب زيت كتير
هلاء دور لب المحشي اوعو ترمووووووووو بدنا اياه اكيد
بقاع الطنجرة نحط شوية زيت
ونقلي اللب مع شوية سماق مطحون
هلاء نرص المحشيات فوق اللبات كويس بالطنجرة
نجيب عصير بندورة............هاي انا عاصرتها وغاليتها من وقت الصيف عشان استعملها بالشتا
هون ضروري ادوقي الطعمة متوازنة ما بين حموضة السماق والبندورة واذا احتجتي بندورة فيكي اضيفي معجون البندورة....
ونتركه يغلي على النار لحتى يستوي
وكل سنة وانتو بالف خير
واكله هنية تكفي مية
تحياتي
ام سهام واسيل
رد مع الاستدلال
كتبت بواسطة جوتشي
الروابط المفضلة