يسعد مساكم يا أحلى ستات وصبايا
راح اقدم لكم صينية بامية وهي مشهورة كتير عنا بفلسطين
وطريقة عملها سهلة جدا
نبدأ بالمقادير
عن نفسي انا عالبركة ما بقدر وعلى حسب أفراد عيلتي
باميا + لحمة عصافيري _ بصل _ توم - بهارات
معجون طماطم _ ملح
الطريقة
نغسل الباميا وبنقليها شوي نسيت أصور الخطوة هاي
نغسل اللحمة وبرش عليها ملح ومطيبات وبضيف كاسة مية
وبخليها عالنار تستوي على راحتها لغاية ما تنشف المية
بقطع البصل والتوم وبحوسهم بشوية زيت لغاية ما يشقر لونهم
بعدين بكونمقطعة البندورة قطع صغيرة بحطهم فوقهم وبتكرهم
يسبكوا شوي بعدين بضيف قطع اللحمة وبملح وبحط بهارات
انا حطيت فلفل أسود وكمون وكزبرة ناشفة
بحركهم شوي لحتى تاخذ اللحمة من لون الخلطة
وبنضيف البامية على الخليط وبنحرك
وبكون مسخنة مية وخالطة معها معجون الطماطم
بحضر صحن بايركس وبحط الخلطة وبصب فوقها الصلصلة
وبحركم وعلى الفرن بتركهم لغاية ما يسبكوا والصلصة تصير غليظة
واليكم الصور معلش مش واضحة تصوير موبايل
وهاي اول مرة بصور وبنزل صور يا فرحتي
نبدأ بتسوية اللحمة عالنار
بنحوس البصل والتومة لحد ما يذبلو وتغير لونهم
بنضيف قطع البندورة
نتركهم يسبكوا
وبنضيف اللحمة
بنضيف الباميا وبنحرك
بنحطهم بالبايركس وعلى الفرن
نسيت أصور لحظة خروجها من الفرن من العجلة المعذرة حبيباتي
طبعا صحن السلطة ضروري والفلفل الاخضر والدقوس
وتفضلوا ما في من قيمتكم
صورة من زاوية تانية هههه أبوك يالحركات
وهاي صحن كباب اضافي لآنه ابني آخر العنقود
مغلبني وما بحب البامية قمت عملت له 4 أسياخ كباب بالفرن
الله يديمك فلسطين على البحر مبنيه ... طلعوا شبابك ابطال جننا الصهيونيه
الروابط المفضلة