بسم الله الرحمن الرحيم
السلام عليكم ورحمة الله وبركاته
حوح يا بردي ما عندي قشقوشة حطبة
هذا يا جماعة الخير امبارح الجمعة كانت سقعة وهوا وريح وبوادر منخفض جوي
وقلت انا وزوي شو في احسن شي بها البردات؟
قام حكالي مافي احلى ولا ازكى من راس خرووووووووووووف
اخخخخخخخخخخخخخ يا راسي
روووس يا زلمة
والله انا بحبهم...............ليش انكر؟
وفعلا جابلي الراس وبلشت اشتغل فيه
اول شي نظفته بلمون وملح وخل ابيض فركته منيح وشطفته
وانا بالعادة بسلقه اول سلقة وبس تطلع زفرته بكبها وبحط مية جديدة
شوية جزر وشومر وورق غار وكبش قرنفل وحب هيل وبصل للتطيب المرقة
نحطها بطنجرة الضغط اسرع وبتحافظ على المرقة يادوب ساعة الا ربع ويكون مستوي
شوفو كيف دايب دوووب
هلاء نحضر اللبن الجميد
انا بنقع نص ثرص يعني بيجو تقريبا كاسة وبخلطهم بالمولينكس بعدين بصفيهم بالمصفاية خوف ليكون في حصوات صغيرة مش مخلوطة
ونضيفلهم المرقة على حسب الطعمة يعني رح تكون متوسطة لا جامد كتير ولا مرق كتير...بين البينين
ونخلي يغلي غلوتين ونحضر قدحة التومة
وكالعادة انا بحب اخد شوية من اللبن واحطة بقاع المقلى عشان ياخد كل طعة القدحة
دور الرز بعد النقع نغسلة منيح من النشا
ونفلفلة بمرقة الروس اكيد................مش بقولكو قمة الدسامة هون
وهيا الطبخة خلصت
اللبن والمرقة
زوزي بياكل.........................
بعد هيك اكلة لازم كاسة شاي اخضر لحتى نهضم منييييييييييييييييح
وديرو بالكو تبردووو
بتنامو وبتطغطوووووووووووووووووووو منيييييييييييييييييييح
وكل موسم شتا وانت بخير وسلامة
تحياتي واحتراماتي
الماسة
ام سهام واسيل
رد مع الاستدلال
كتبت بواسطة *عاشقة الاقصى*
الروابط المفضلة