السلام عليكم يا بنات
النهاردة لاقيت الكرنب اسعارة كويسة وكمان قرب موسم الكرنب يخلص قولت اخزن لان ساعات بالصيف بنحب ناكلة
فقولت افرز شوية كدة جبت كمية وسلقتها وخزنتها فى الفريزر
شوفوا الصور
هنا وانا بسلقها مع ماية مغلية وكمون

وهنا وانا بقطع العروق الاول بعد ما اتسلقت

ولما اقطع العروق بلفها زاى الصورة اللى فاتت واقطع بالسكينة
على اد ما انا بحب الصباع

وبعد ما بنقطعة بنرصة فوق بعضة

المفروض انا بحطة فى اطباق فزيل او
فيبر بس مكنش عندى وكنت مستعجلة حطيتهم فى كيس متساويين
وحطيتهم فى الفريزر يا رب يكون عجبكم طريقتى

جميييييييييل تسلم ايدك وانا بموووووووووت فى محشى الكرنب مرسى كتير..

جزاك الله الف خير اختي ....

فكرة جميلة جدا
انا عادة بلفه وبحشيه
بس رح اجرب طريقتك
مشكورة

تسلموالى بنات على مروركم اللى نورنى

تسلم ايدك حبيبتي

لولو
تسلم ايديكي
شغلك جميل

شكلك بقالك يومين في المطبخ
ربنا يقويكي

تسلمي ياجميل علي الطريقة الحلوة

احم احم...نحن هنا

اول مره على فكره اعرف ان الكرنب بيتفرز و يتخزن


ثانيا...شكل الورق فى الصور جنان...طازه ولونه روعه ويفتح النفس

خلاص بقى هتأكلينى منه لما اجيلك فى الصيف ان شاء الله..مش كدا

تسلم ايدك يا جميل

تسلم ايدك يا اجمل لولو
وفى اضافه احب اضيفها
لما تيجى تحشى الورق وتسويه بعد كده
مقدار الشوربه لازم يبقى اقل من المقدار الطبيعى للمحشى لو طازه لان الورق بيكون طرى شويه من التلج
بس طريقتك زيي بالظبط يا حلوه الحلوين