السلام عليكم
كيفكم جميعا يارب دايما بخير
اليوم عملت قرنبيط ولكن بطريقة حلوة جدا وخفيفةجدا جدا
بصراحة انا دايما كنت باعمله مقلى ولكن الطريقة دى عرفتها من المنتدى اللى بأعشقه منتدى لك ولكن غيرت فى خطوة واحدة وهى سلق القرنبيط فأنا سويته على البخار علشان أحتفظ بفوائد القرنبيط اللى بتضيع فى ماء السلق
(وما أدراكم بفوائد القرنبيط )
وياللا على الشغل
بسم الله
1. اولا غسلت القرنبيط(قرنبيطة متوسطة) وفككته من بعضه
2.وبعدين حطيته فى مصفاة وحطيت المصفاة داخل حلة بها ماء وطبعا غطيت القرنبيط بورق فويل علشان البخار لا يتسرب
3. وده شكله بعد ما استوى على البخار زى ما يكون مسلوق بالظبط
4. وبعدين عملت بشاميل (برده بطريقة صحية وخفيفة) وحطيت القرنبيط كله فى البشاميل علشان يتشرب منه كويس
5.وبعدين حطيته فى صينية مدهونة بزبدة وشوية بقسماط وطبعا بقسماط على وش الصينية
6.وده شكله بعد ما خرج من الفرن ومش بياخد وقت فى الفرن لأن كل حاجة فيه مستوية يعنى نص ساعة كفاية
7. وده أحلى طبق للى هترد عليا الأول
وبألف هنا ويارب يكون عجبكم وعلى فكرة ممكن نحط فيه لحمة معصجة ولكن انا قدمته مع فراخ محمرة وسلطة خضرا
ز
الروابط المفضلة