الله يسعد اوقاتكم يكل خير

اليوم طبقنا سهل كتير وزاكي كتير وهو من المطبخ الفلسطيني

وهاي مشاركة بسيطة لحملة فلسطين نبض في قلوبنا

بتمنى يعجبكم

مندخل دغري بدون كترة حكي دايما العدس اكتر من الرز

يعني لو اخدتي كوب عدس حط نص كوب رز والله ستي هيك علمتني

منغسلهم كويس للعدسات ومنغسل الرزات كمان ومنحطهم سوا ومنحط عليهم مي

ومنتركهم على النار حتى يبلشوا يستووا ويدوبوا ولو حسينا انه بعدهم ما استووا وخبصوا وبدهم كمان مي منزيدهم حتى يخبوصوا يعني غير عن المجدرة

ومنبقى منحرك فهم كل شو

بعدن منضفلهم ملح وانا من عندي بحطلهم مكعب ماجي

وبقلي بصلة بالزيت او السمنة على حسب الروقان وبحطهم فوق الرز والعدس يعن على الاخير

وبس نحس انهم خبصوا خلاص والمي بلشت تخف عنهم

منسكبهم بالطباق ومنتركهم على جنب

وصراحة طيبة اكتر وهي باردة

ومنقدم حدها صلطة البندورة مع البصل

بس منقطع بندورة وبصل ومنخلطهم سوا مع رشة مله وشوية حامض ونعنع ناشف

وبتقدموها بالف صحة وهنا

وان شاء الله تكون عجبتكم اكلتنا الفلسطينية الزاكية

يا سلام بما اني اول رد واول مرة بسمع بهالاكلة الطيبه
الصحن والدواقه كلها الي
بتعرفي الله الله يطول عمر ستك وامك بس اول مرة بسمع فيها هالاكلة بس شكلها طيب واي شي من مطبخنا الفلسطيني اطيب
يعطيك الف عافيه حبيبتي

تسلم الايادي
شكلها يشهي ما شاء الله

كتبت بواسطة layan232

يا سلام بما اني اول رد واول مرة بسمع بهالاكلة الطيبه
الصحن والدواقه كلها الي
بتعرفي الله الله يطول عمر ستك وامك بس اول مرة بسمع فيها هالاكلة بس شكلها طيب واي شي من مطبخنا الفلسطيني اطيب
يعطيك الف عافيه حبيبتي

الله يخليكي يا رب
وكله على حسابك يا عسل
وربنا حفظك ويخليكي

كتبت بواسطة ام هيا وحارث

تسلم الايادي
شكلها يشهي ما شاء الله

الله يسلمك يا الغالية
منورة

يسلموا ايديكي منول
دايما مبدعة ما شاء الله عليكي

كتبت بواسطة *عاشقة الاقصى*

يسلموا ايديكي منول
دايما مبدعة ما شاء الله عليكي

الله يسلمك حبيبتي
منورة حبيبتي

تسلم ايديك ما شاءا لله شكلها لذيذ احنا بنعمل رز وعدس بنفس الطرقه وجبه بجانب السمك بس بنضيف عليه ثوم بكباره وهرد شوي ورشة سمن بلدي عالوجه

تسلم اديك

بسم الله ماشاءالله عليكى

وتسلم الايادى الجميلة

والف هنا وعافية على قلوبكم يارب