مسقعة بالحم المفروم ما اطعمهاااا

هاتى كيلو بتنجان اسود طخين رومى يعنى

نص لحمة مفرومة خشن

نص كيلو فلفل حامى ورومى

زيت

عصير طماطم وكمان معلقتين صلصة

ملح وفلفل

وبصل للعصاج

الطريقه

بالنسبه للعصاج

انا بعملة كالاتى

البصل يكون مبشور واحمره فى الزيت لغايه ميغير لون فقط لا يتحرق

واحط عليه اللحمة والتوابل ملح وفلفل واسيب الماء يجف

فى ناس بتحب تعمله نى فى نى يعنى كله على بعضه

نقلى البتنجان فى الزيت بعد تقطيعه حلقات وتقشيره ووضع ربع ساعة منقوع فى ملح علشان ينزل ميته

ونصفيه على ورق ماص بعد القلى

والفلفل كمان يقطع ويقلى

نجيب صنية الفرن نحط طبقة بتنجان ومعاه فلفل وطبقه لحم مفروم وبعدين

طبقة بتنجان وفلفل

وبعدين عصير الطماطم

تدخل الفرن ساعه الا ربع تقريبا لغايه متتسبك وطبعا معليهاش اى زيوت كفايه زيت القلى

بالنسبه للكفته انا بتبلها ببصل مبشور وملح وفلفل وفلفل اخضر وليمون

وبسبها فترة

وبحمرها بدون اى زيت او سمن

يعنى تشكل اصابع او دوائر وتتحط ف طاسه تيفال وتغطى وتتحمر بماء البصل ودهن اللحمة منها فيها

وبتكون راائعة

ومع وجبات اخرى بقطع عليها طماطم وفلفل ومعلقتين صلصة وبتبقى هايلة

ده الطبق النهائى احنا بنحب ناكلها بارز ابيض

تسلم الايادي ضمنت غدايا النهاردة

هاجرب فكرة الكفتة جميلة فعلا وخفيفة

تسلميلى يا ام هيا

وبالهنا لك

وانا قريت ردك الاول والصور مكنتش ظاهرة

كان هيجيلى انهيار

بقالى سنه ونص مركز التحميل بيحمل لما كنت هضربه بالنار

الحمد لله انها ظهرت والف شكر لك

سمسمة تسلم ايديكي
شكلها تحفة جدا
انا اصلا بموت في المسقعة
تسلمي ياجميل

اخذت الصينية

ومافيش حد يقرب ناحيتها
اصله ام هوبا وعدتني بيها من الظهر .


تسلم الايادي والله شكلها تووحفة ماشا ءالله.

ايه ده
هوه احنا
بنوزع الاكل قبل مينزل ماشي
ياسمسومه
عموما
تسلم ايديك
ياجميله
ربنا يباركلك ويحفظلك ابنك

تسلم ايدك يا عسل والكفتة بنعملها كده برضه وبتكون حلوة وخفيفة

بسم الله ماشاءالله عليكى

وتسلم الايادى الجميلة

طب مش كنتى تقولى ومكنتش عملت المحشى دة انا ظهرى انقطم من كتر القعدة علية

الف هنا وعافية على قلوبكم يارب

وبردة هخد نصيبى واكلة مع المحشى زيادة الخير خيرين ان شاءالله وبالذات لما يكون من الحبايب الغالين

وخلى صحبتك نايمة فى العسل لاطول المحشى والسقعة هههههههههه

تسلم ايدك يا سمسمه
مسقعه وكفته روووووووووووووووووووووووووووووووووعه
ماشاء الله
عليكى شطوره تسلم الايادى

ما شاء الله طبق شهي تسلم ايديك