السلام عليكم
ما اتوقع احد بيصدق ان الجريش ينفع في قدر الضغط وانا كنت من قبل كيذا حتى اختي سوته واول مره وزبط وانا جربته امس ودلع ما يحتاج وياخذ نصف الوقتمن العادي يعني الجريش العادي ياخذ بالعاده 4ساعات هذا خذ بس ساعتين
المقواس اللي راح اقوس به السوائل والجريش كاس يله خذوا المقادير
المقادير:
1 كاس جريش مغسول
بصله متوسطه الحجم مقطعه قطع صغيره
قطعة شحم مقطعه قطع صغيره
ملعقة كمون
اما الماء واللبن فللكوب الواحد من الجريش 4 اكوب الى 2\1 4 اذا كان من النوع اللي يشرب ماء كثير يعني اذا كنتي من النوع اللي يحب الجريش حامض تحط 2\1 3 لبن 1 ماء واما
اذا تبغينه تبان الحموضه حطيه كله لبن او تخلينه نص ونص 2\1 2 لبن 2 ماء
الطريقه:
جيبي قدر الضغط وحطي البصل واللبن والكمون والشحم والماء يكون عادى يعني مو مسخن
وحطيه هذا كله على نار هاديه بتحريك مستمر على شان ما يقطع اللبن واذا بدا يغلي ضعي الجريش وركيه شوي وبعدين هدي النار على الأخر وخليه حتي يبان الجريش يعني من ثلث الى نص ساعه بعدين غطيه وخليه من ساعه ونصف بعدين افتحيه اذا كان ناشف زيدي شوي مويه اذا كان باقي ماء غطيه ورجعيه على النار وخليه نصف ساعه
وقبل ما تحطينه في الصحن خذي ملعقة سمن حركه ودقيه بقوه
وصحه وعافيه
الروابط المفضلة