السلام عليكم ياأخواتي الفاضلات:
انا من زمان كنت اكل أكله من جارتنه مصريه عباره عن جبنه مالحه وطماط وحلبه وطبعاً ناقصه المقادير وماذكر شو اسمها بس خاطري اكلها مره ثانيه
وعلى فكره انا اكلتها وكان عمري 11واحين عمري23
اتمنى تعرفونها................

السلام عليكم بصراحه حكاية الحلبه دى مو عارفاها يمكن خلطه هى يحطها البقال تبعه انا هسالك واقولك
بس ممكن تكون جبنه مش
او جبنه اسطنبولى
دول الجبنتين المالحين اللى اعرفهم وهسال وارد عليكى انشالله

انا مصرية بس بصراحة اول مرة اسمع عن الاكلة دى ... يمكن تكون خلطة هى عملاها من تأليفها يعنى ساعات بناكل جبنة اسطنبولى عليها طحينة ومقطع عليها طماطم وممكن تضيفى اى حاجة تانية .

حلبة ؟؟؟ انا اول مرة اسمع ان الحلبة ممكن تدخل مع الجبنة و الطماطم

بس ممكن هي عملتها من مجهودها الشخصي و طلعت حلوة

بس يا ريت حد من الاخوات المصريات يفيدك ممكن حد يكون عارفها

بصراحة الحلبة دي غرييييييييييبة
من معلوماتي ان احنا كمصريين نادرا اما بنحط حلبة على الاكل بتاعنا فيمكن كان ابتكار منها او انت مش فاكرة ايه دة وماعرفتيهاش لانك كنت صغيرة، انا مرجحة انها تكون جبنة اسطنبولي وعليها طماطم وحاجة عندنا بتتعمل من ملح وكمون وتقيبا سمسم مطحونين اسمها(دقة).

السلام عليكم يا بنات يا قمرات
الجبنة الوحيدة اللى بيوضع عليها حلبة هى جبن المش
لأنها بيتم تعتيقها و المراد من الحلبة هو ابعاد الديدان عنها لنتمكن
من الإحتفاظ بها لأطول فترة ممكنة.
هذا ما قالته لى مامتى حبيبتى عندما سألتها.
اتمنى أن أكون أفدتكم يا بنات

اكيد انتى تقصدى المش المصرى

كتبت بواسطة donyt3omry

السلام عليكم يا بنات يا قمرات
الجبنة الوحيدة اللى بيوضع عليها حلبة هى جبن المش
لأنها بيتم تعتيقها و المراد من الحلبة هو ابعاد الديدان عنها لنتمكن
من الإحتفاظ بها لأطول فترة ممكنة.
هذا ما قالته لى مامتى حبيبتى عندما سألتها.
اتمنى أن أكون أفدتكم يا بنات

اذا فالحلبة هنا ليس لإعطاء طعم ولكن للوقاية
وفي ناس بيضعوا بدل الحلبة ترمس ناشف

السلام عليكم و رحمة الله و بركاته

هوه فعلا يا حلوات المش لما بيكون جديد فعلا ساعات يحطوا حلبة مطحونة و بتخليه اصفر و زي ما قالوا عشان ميدودش او ترمس او قشر لارنج

انت بتقصدي..اكيد الجبنة القديمة...بتاعت الزعلة و عليها طحينة و طماطم و زيت