بسم الله الرحمن الرحيم
السلام عليكم ورحمة الله وبركاته
♥●♥● فلسطين نبض في قلوبنا ♥●♥●
هاي الاكلة كتير تراثية وزاكية وبتنعمل بطريقتين
بفول اوز بزهرة
وانا عملتها بزهرة
لبنية الزهرة
اولا نحضر اللبن الحصو
وممكن نحتاج شوية لبن رايب
نخفقهم مع بعض من بعد ما ننقع اللبن الحصو في ابريق المولينكس
ونتركهم على جهة
نقلي الزهرة
وبس تتحمر اشوية ندير فوقها المية عشان تنسلق تلتين السوا
وبعدين ندير فوقها خليط اللبن ونتركهم يغلو
فترة الغليان
ممكن نحتاج شوية مرقة .............انا والله احتجتها لانه طلع اللبن معي شوية جامد ونشف
ندير الرز الغير منقوع
ونضل نحرك اللبينة وهي على النار تغلي بهدوء لحتى ما تلزق بقاع الطنجرة
نحضر التومة للقدحة
ونسكبها فوق الطنجرة
ونسكبها بجاطات وصحون
ونحط على فوقها زيت الزيتون وصحتين وهنا مع مكابيس وزيتون واحلى اكلى فلسطينية
وهاي هي اكلتي حكيتها وبمطابخكو حطيتها
وكل سنة وانتو سالمين وفلسطين بخير وسلامة
تحياتي واحتراماتي
الماسة
ام سهام واسيل
الروابط المفضلة