*طبق متميز*الكبة الحلبية المبرومة خطوة خطوة من مطبخي يممممي
يسعد مساكم جميعا
بما انوا الي شرش سوريقلت خليني انزلكم هالوصفة الحلبية يلي ساويتها
وللامانة اخدتها من اخت بس مش ذاكرة اسمها او المنتدى ويمكن تكون من منتدانا الغالي منتدى لك
بس للاسف مش عارفة مين صاحبتها علشان الي تقريبا سنتين يمكن كاتبيتها على الدفتر ونسيت اكتب لمين فسامحيني حبيبتي صاحبة الوصفة
والله يجزيكي الف خير يا رب
وانا كتبتها زي ما نقلتها من صاحبتها الاصلية ويا مشرفاتنا الغالات ويا عضواتنا العزيزات لي بتعرف صاحبة الوصفة الاصلية او الرابط يا ريت تحطه وبكون ممنونة الها
والله كتير زاكية وبتشهي وتخيلوا كبة حلبية بايدين فلسطينية كيف رح تكون
هههههههههههههههههههههههههههههه
خلونا ندخل على المقادير
المرحلة الأولى :
طريقة عمل عجينة الكبة :
المقادير :
نصف كيلو برغل أسمر الخاص بالكبة ( من النوع الناعم )
نصف كيلو لحمة هبرة
2 بصلة كبيرة مقشرة و مقطعة أرباع
ملح , بهار , قرفة
الطريقة :
- ينقع البرغل بالماء البارد مدة 10 إلى 15 دقيقة ثم يصفى جيداً .
- يطحن على ماكينة فرم اللحمة مع البصلة ثلاث مرات
ندعك البرغل باليد ( نبلل يدانا بالماء البارد أثناء العجن ) أو على العجانة الكهربائية كتير منيح
نضيف اللحمة الهبرة , و أنا أجيبها جاهزة من عند اللحام و بتكون مفرومة و ناعمة مثل المرهم ..
و ندعك حتى نحصل على عجينة متماسكة و طرية .
المرحلة الثانية :
- تحضير الحشوة :
المقادير:
نصف كيلو لحم غنم مفروم ناعم
نصف كيلو لحم غنم مفروم خشن
فستق حلبي ( كمية كبيرة حسب الذوق )
ملح
بهار مشكل
قرفة
- تحضير الحشوة :
- نقلي اللحم الخشن و نتبله بالبهارات و نخليه حتى يبرد -نخلط اللحم الني و المقلي و الفستق حتى نحصل على عجينة متجانسة - استخدامنا نوعين من اللحمة حتى تبقى الحشوة متماسكة أثناء تقطيع الكبة بعد ما تصير جاهزة -
تحضير الوصفة :
- ندهن صينية فرن بالسمنة - نمد ورق نايلون على طاولة العمل و نبلله بالماء -
نفرد قسم من عجينة الكبة على ورق النايلون على شكل مستطيل متوسط الحجم -
نضع قسم من الحشوة في المنتصف - ثم نبدأ بلف النايلون من أحد الأطراف فتلتف معها الكبة- حنلف الكبة بحيث تغطي الحشوة ..بمساعدة ورق النايلون - بعدها نبدأ نملس السطح باليد المبلولة بالماء حتى تتغطى الحشوة و نحصل على شكل اسطواني - أخر الشي نسد الأطراف -
بهذه الطريقة نحصل على أول أسطوانة نضعها في الصينية المدهونة بالسمنة ( و مش بالزيت )..
- نكرر العملية و نصف الأسطوانة الثانية ثم الثالثة حتى تنتهي الكمية ..انتبهي لازم نتركي مسافة بين الإسطوانات كي لا تلتصق كل اسطوانة بالأخرى و هكذا . - بطرف السكينة الغير حادننرسم خطوطاً مائلة على وجه الكبة المبرومة لنحدد حجم القطع بحيث تغرز السكينة بشكل لطيف- نذوب سمنة على نار هادئة ثم ندهن وجه الكبة بالسمنة و نضعها في فرن متوسط , و تسقى الكبة من وقت لأخر بالسمنة حتى لا يجف وجهها و تترك حتى تستوي . - بعد أن تبرد الكبة شوي تقطع في نفس مكان التحديد , بس انتبهي لأنك إذا قطعت الكبة و هي ساخنة تتفتفت . - ترتب قطع الكبة في صحن التقديم و تزين حسب الذوق و تقدم مع السلطة أو الفتوش أو اللبن .
وهدا الطبق لاول رد
ان شاء الله تكون اعجبتكم
وبدي اشوف ردودكم الحلوة
ولا بزعل
]
رد مع الاستدلال
الروابط المفضلة