موضوع متميزعملت عزومه لاختى وعجبت زميلتها جداا يا ترى هتعجبكم انتو كمان

**شخبط شخبيط** · 17-01-2009, 04:30 PM

السلام عليكم ورحمه الله وبركاته
ووحشتونى يا بنات من فتره منزلتش فى الركن هنا اى حاجه
فيا رب اكلى اليوم يعجبكم
بس لى طلب عندكم
الدعاء لاهل غزه بفك كربهم ونصرتهم باذن الله
والدعاء لى بصلاح الحال وفك كربى
الاكل بتاع النهارده عزومه لاختى فى شغلها
هى نجحت فى الدبلومه فزميها دبسوها فى عزومه وبمعن اصح ادبست انا
بس مش مهم المهم فرحتنا بنجاحها
وادعولها ربنا يوفقها فى التانيه

دى جزء من اكل العزومه

اولا الكوسه بالباشميل
المقادير
-كيلو كوسه
-لحمه معصجه(لحم مفروم+بصل +طماطم مفرومه+ملح وفلفل وجوزه الطيب وحبهان)
- باشميل ونزلت طريقته من قبل فى المكرونه بالباشميل
- ملعقه كبيره زبده
- ملح وفلفل اسود
- جبنه رومى مبشوره ويمكن الاستغناء عنها
الطريقه
- نقطع الكوسه دوائر بعد تقشرها ونغسلها كويس
-نحط الكوسه مع الزبده مع الملح والفلفل على نار هادئه

- نسبها حتى تنزل ميتها خاااالص حوالى نصف ساعه مع التقليب بين فتره وفتره

- نصفيها من ميتهاااا ونضيف عليها 3 ملاعق باشميل ولحمه مفرومه
- نضع نصف الكوسه فى القالب

- ونحط اللحمه المفرومه

- نضع الجزء التانى من الكوسه وبعدين الباشميل والجبنه الرومى المبشوره

- نضعها فى فرن ساخن على درجه حراره 180 تقريبا نصف ساعه او حتى تحمر

وده شكلها النهاااائى

يا رب تكون عجبتكمممم

البطاطس المحشيه باللحمه والخضروات
المقادير

- بطاطس صغيره متقاربه فى الحجم
-فلفل اصفر واخضر واحمر
- طماطم مبشوره
-جزر متقطعه صغير جدااا
- بصله مبشوره
-لحمه مفرومه
- مشروم مقطع صغير
-ملح وفلفل وبهار لحم
-كوب عصير طماطم
- كوب شوربه لحم او دجاج او ماء
الطريقه
- نقشر البطاطس ونقورها بس مش قوى لازم يكون فيها سمك زى الكوسه
وبعدين نغسلها ونحطها فى ماء وملح
- تصفى من الماء ثم تحمر فى الزيت حتى تاخذ لون ذهبى

- البصل المفروم مع الجزر والفلفل الالوان مع الملح والفلفل الاسود وندعكهم كويس
- ونضيف عليها اللحمه والطماطم ونضبط الملح والبهار

- نحشى البطاطس بالخليط ونرصها فى صنيه
- نجيب تقريبا كوب عصير طماطم+كوب شوربه لحم او دجاج ونتبلهم
ونضيفهم على البطاطس المحشيه

نحطها على نار عاليه حتى الغليان وبعدين على نار هادئه
مع التاكد انها بتغلى لمده نصف ساعه او حتى تستوى البطاطس مع اللحمه
دى شكلها النهائى

انا بقى عندى جزء من حشوة البطاطس ضفت ليها البسله وسوتها على النار وعملت بيها السبرنج رول
ارجو عدم الرد

**زهر الرمان..** · 17-01-2009, 04:33 PM

تسلم إيديك يا جميل على العزومة الحلوة

يعطيك 1000 عافية

**شخبط شخبيط** · 17-01-2009, 04:42 PM

واخير الكبسه

المقادير
-لحمه غنم اوضانى
- كيلو ارز بسمتى
-بصل جوانح
-طماطم مبشوره
-ملح وفلفل اسود
- قرفه ناعمه وعيدان
- قرنفل او مسمار
- ورق لورى
- حبهان
-بهار لحم
- كارى
- زنجبيل ناعم
- زيت زره

الطريقه
- نشوح اللحم مع زيت الوره على النار حتى يحمر

- نضيف البصل وتقلبهم كويس ونضيف البهارات كلهااااااااااا
- نضيف الطماطم وبسبها تتسبك كويس

- بضيف الماء او الشوربه حسب المتوفر

- نترك اللحم حتى يقارب على النضج

نضيف الارز البسمتى السابق نقعه فى الماء لمده نصف ساعه ونكون حريصين
على عدم التقليب الكتير حتى لا تتكسر الحبه
وبعد ما يتشرب الارز المرق نهدى النار

نتركها حتى يكتمل نضج الارز مع اللحمه
هنا شكلها بعد الغرف مع اضافه اللوز المحمر

اخواتى كل سيده منزل مذاقها الخاص فى التوابل
فلا تتقيدى بشى سوى اللى انتى تفضليه
انتى واسرتك
شكل الاطباق مع بعضهاااااااااااااااااااا

ارجو ان اطباقى تنال رضاكم
وارجو الدعاء لى بصلاح الحال

**حبيبة قلب امها** · 17-01-2009, 04:43 PM

ايه الجمال ده
انا جوعت قوى فعلا
انا بحب قوى النواشف دى بتبقى لذيذه قوى
خصوصا لما تكون من ايد شخبوطة
وتسلم الايادى

**حبيبة قلب امها** · 17-01-2009, 04:45 PM

ياحظى لحق حاجة من الوليمة دى

**شخبط شخبيط** · 17-01-2009, 04:47 PM

كتبت بواسطة حبيبة قلب امها

ايه الجمال ده
انا جوعت قوى فعلا
انا بحب قوى النواشف دى بتبقى لذيذه قوى
خصوصا لما تكون من ايد شخبوطة
وتسلم الايادى

تصورى يا حبيبه وانا بنزل الموضوع جوعت انا كمان
ههههههههههههههههههههههه
فعلا حبيبتى النواشف بتكون الذ
واتفضلى يا قمر كل الاطباق ولا تغلى عليكى
بالف هنااااااااااااااااااااااا
شكرا يا قمر على مجاملتك ومرورك
ربنا يحفظلك اولادك وزوجكك