طبق متميز.♥. الفريك ميحبش شريك .♥. من أم شادى .♥. بالصور

**أم شادى** · 17-01-2009, 12:45 PM

السلام عليكم و رحمه الله و بركاته

كيفكم يا صبايا فى البرد و الشتاء ان شاء الله تكونوا جميعا بخير و سعاده

اكيد محتاجين اكله تملا البطن و تدفى فى الجو دا يبقا مفيش اجمل من الفريك

الفريك عاده بيقدم شوربه او مفلفل او محشى به الفراخ و الحمام و البط

اليوم معى طريقه سهله جدا و بسيطه فى عمل الفريك ( الغموس ) الى بيتاكل مع عيش و سلطه و مملح و بيكون و جبه كامله مش محتاج اى صنف جنبه

لذلك الفريك ميحبش شريك بمعنى ان الفريك يكفى و جبه لوحده لا يليق بجواره خضار او ارز او مكرونه

بسم الله نبدأ

المقادير

فريك

مرقه ( شوربه لو دسمه يكون افضل )

بصله كبيره مبشوره

ملح / فلفل

سمن او زيت

عيش محمص

الطريقه
ننظف الفريك من الشوائب و نغسله جيدا و ننقعه فى الماء لمده طويله

كلما زادت مده النقع يكون افضل ليسرع فى النضج ولا يحتاج لمرقه كثيره

و نلاحظ ان حبات الفريك تفتحت و كبرت

]

نجهز المرقه بالطريقه العاديه انا استخدمت مرقه اللحمه ( يحتاج كميه كبيره من المرقه حسب كميه الفريك )

نصفى الفريك المنقوع من الماء و نضعه على المرقه و يترك حتى ينضج

حنلاحظ ان الفريك اصبح سميكا و شرب المرقه فيمكن ان نزوده بالماء او المرقه او مكعبات المرقه و نظبط الملح

نضع مقلاه بها زيت و نضع البصل المبشور و نقلب حتى يشقر لونه و يصبح ذهبى غامق

نضيف البصل الى الفريك و يترك يغلى غلوه واحده حتى يتشرب الفريك نكهه البصل

يقدم فى اطباق عميقه و يؤكل بالعيش المحمر فى الفرن ( قطعت العيش اللبنانى و حمصته بالفرن )

تقدم معه السلطه و المملح و ايضا البطاطس المحمره حسب الرغبه

1 كوب فريك او ربع كيلو يكفى اسره صغيره لانه بيعطى كميه كبيره بعد النضج

طعمه رائع و تغيير عن الخضروات و يبعث الدفء

و بالهنا و الشفا

أتمنى يكون عجبكم و تجربوه

أترككم فى رعايه الله و أمنه
لالالالالا تنسوا الدعاء لاخواننا فى غزه
لالالالالا تنسوا الدعاء لاولادى

**roina** · 17-01-2009, 12:46 PM

تسلم الأيادى
فكره حلوه
واكيد طعم حلو
وانا اول رد استاهل ايه

**daliama** · 17-01-2009, 12:50 PM

تسلم ايديكى و فعلا الفريك مبيحبش شريك
ويا سلام لو حطيتى عليه شوية شبت و هو على النار قبل ان ينضج.... يمييمي
و كمان لو بالبشاميل او بالصلصة فى كل طرقه رائع
تسلم ايديكى و مشكورة

**شخبط شخبيط** · 17-01-2009, 01:00 PM

فعلا رااائع جداااااااااا
وشكله روووعه من ايدك حبيبتى
انتى كل اكلك تحفه ما شاء الله عليكى
تسسسسسسلم الايادى

**أم شادى** · 17-01-2009, 01:04 PM

كتبت بواسطة roina

تسلم الأيادى
فكره حلوه
واكيد طعم حلو
وانا اول رد استاهل ايه

الف الف شكر حبيبه قلبى
تسلميلى يا غاليه كلك ذوق ربنا يخليكى
انت الاحلا يا قمرايه ربنا يكرمك يا رب
لى الشرف انك اول رد و تستهلى الخير كله اتفضلى

اجمل طبق لاجمل روينا
وجودك اسعدنى و شرفنى و نورنى

**أم شادى** · 17-01-2009, 01:08 PM

كتبت بواسطة daliama

تسلم ايديكى و فعلا الفريك مبيحبش شريك
ويا سلام لو حطيتى عليه شوية شبت و هو على النار قبل ان ينضج.... يمييمي
و كمان لو بالبشاميل او بالصلصة فى كل طرقه رائع
تسلم ايديكى و مشكورة

الف الف شكر حبيبه قلبى
تسلميلى يا سكره كلك ذوق ربنا يخليكى
الشبت جميل و طعمه رائع انا و ضعت بقدونس
بالبشاميل حبايبنا الى عاملين رجيم حيزعلوا
دا الاساس وكل واحده تضيف ما تحبه
تسلميلى يا غاليه جدا و مشكوره على اضافاتك الجميله
وجودك اسعدنى و شرفنى و نورنى

**ماما الاء** · 17-01-2009, 01:11 PM

يا عيني على الفريك
يسلمو ايديك يا ام شادي
والله جعاااااااااااااااااااااانة
وراااجعة للبيت جري اعمل فريك
يسلموووو الايااااادي

لك الله يا غزة

**أم شادى** · 17-01-2009, 01:11 PM

كتبت بواسطة شخبط شخبيط

فعلا رااائع جداااااااااا
وشكله روووعه من ايدك حبيبتى
انتى كل اكلك تحفه ما شاء الله عليكى
تسسسسسسلم الايادى

الف الف شكر ابنتى الغاليه
مرورك الاروع حبيبه قلبى عطر صفحتى
دا بعض ما عندكم يا حبوبه ما شاء الله عليكى
ربنا يبارك لك و يكرمك يا ست الكل
تسلميلى يا سكره كلك ذوق ربنا يخليكى
وجودك اسعدنى و شرفنى و نورنى