السلام عليكم
النهارده حقولكم علي طريقه ماما في عمل الكوارع مختصره وجميله جدا ومختلفه عن الطرق اللي في المنتدي بس حقولها بالتفصيل الممل

المقادير
2ك كوارؤع منضفه من عند الجزار ولو لقيتي فيها شعر مشيها علي النار لازالته

*4حبات طماطم كبار+3م صلصة ط مضروبين بالخلاط

*راس توم مفرومه

*م ك خل

*ملح وكمون ولوري ومكعب ماجي
الطريقه
اولا نغلي الكوارع نص ساعه في مايه وملح بسيط وفلفل ولوري وهيل وبصله ص

*في حله علي النار نشوح التوم المفروم بس تطلع ريحته علطول نحط م الخل ونقلب وبعد كده الطماطم المضروبه نضيف ملح وكمون والماجي وورقة لوري ونسيبهم يغلو شويه

*ننشل الكوارع من ماء السلق ونحطها في الحله اللي فيها التوم والطماطم ونزود مايه ونسيبها لما تستوي وكل فتره نزود المايه(ممكن نعملها في حله الضغط اسرع )

طريقة الفته

*نحضر رز مصري ابيض عادي(ماما بتعمله بالرز المعمر بيكون اطعم)

*نحضر عيش ونقصه مربعات ونحمصه في الفرن مع م سمنه بلدي

*في طبق نحط العيش المحمص ونسقيه بخليط من صلصة الطماطم اللي سوينا فيها الكوارع وشوية مرقه ونسيبه شويه بس بلاش يكون طري خليه مقرمش شويه

*في طبق التقديم *
*نوزع العيش المتسقي وعليه الرز الابيض ونوزع م من الصلصه علي الرز
*ننشل الكوارع من الصلصه ونرصها فوق الرز

*نقدم الصلصه لوحدها في طبق

وبالهنا والشفااااااااااااا
جربوها بجد طريقه جميله وحتعجبكم ان شاء الله

بنجربها على خاطر عيونك ياجميل

الله يعطيكى الف عافية يارب

على الوصفة الجميلة الحلوة

وبالهنا والعافية عليكم يارب

يسلمووووو على الطريقة الحلوة

روعة
تسلم ايدك وايد ماما
مافيش أحلى من اكلة الكوارع والفتة بكل الطرق

تسلمىىىىىىىى على الاكلة الخطيييرة

ما شاء الله الوصفه واضحه و سهلة...
ان شاء الله أجربها,و خصوصاً انى بأحب الكوارع أوىىىىىىىىىى

بس سؤال....انتى بنتك اسمها نورسين؟؟؟؟يعنى ايه؟؟