محشي الكرنب بطرييييييقه امي حبيبتي غييييييييير
السلام عليكم
اخواتي الحبيبات ان شاء الله حقولكم ع طريقة المحشي بطريقة امي وهي مميزه جدا بيه وان شاء الله تجربوه وتدعولها بالشفاء
*المقادييير*
1-اوراق كرنب مسلوقه ومقصوصه مربعات
2-مرقه لحمه او فراخ او بط او لحم ضاني بتكون لذيذه
مقادير الخلطه
3 حبة طماطم مضروبه مع 3م صلصه طماطم في الخلاط
4 فص توم مهروس ناعم
2بصله متوسطه مفرومه او مبشوره
حزمه كزبره خضراء مفرومه
حزمة شبت مفروم ناعم
مكعب ماجي
ملج وكمون كتير 2م ك
ورق لوري وم ص بهار مشكل
قطعه من ليه الخروف اومن دهن البطن مقطعه قطع صغيره
تقريبا وزنها 100 جرام
1م سمنه
3 كوب رز مصري مغسول
الطريييييييقه
نشوح قطع الليه ومعاها م السمنه عشان متتحرقش
نضيف البصل المفروم ونشوحه لما يصفر نضيف التوم ونقلبهم شويه ثم نضيف عصير الطماطم مع الصلصه ونضع الملح والماجي والكمون ونكتره شويه ونضيف اللوري وم ص بهار مشكل ونتركهم لما يتسبكوا كويس نطفي النار ونضيف الكزبره والشبت ونقلب كويس ونتركه شويه
*نخلط الرز ومعاه الخلطه ولو اتبقي منك شويه من الخلطه حطيها في كيس في الفريزر
*نحضر الحله ونحط في القاع شرايح بطاطس وبصل لما يتغطي القاع
*نفرد كل شريحه من الكرنب وتكون صغيره ونضع قليل من الخلطه ونلفه كويس(عندنا نحب صباع المحشي صغير شكله يكون احسن)
*نرص المحشي في الحله ونكمل باقي الكميه وعلي الوش نحط كام ورقه ملفوف مسلوقه طبعا
*نغلي المرقه اللي مجهزنها والافضل تكون مرق لحم ضاني اوبط
*نصب المرق علي المحشي لما يتغطي ويكون مرتفع 1سم ونحط طبق صغير فوق المحشي عشان وهو بيغلي ميتفكش من بعضه
*ونضعه علي نار عاليه 5 دقايق وبعد كده نهدي النار ونسيبه لما يستوي وبعدكده نطفي النار ونضع م سمنه بلدي نوزعها علي الوجه ونغطي الحله
وقدميه مع الفراخ المحمره او اللحم المحمر ومرقه
واستمتعي باحلي محشي في الدنيا وعلي ضمانتي والله لذييييييييييذ
وبالهنا والشفااااااا
يارب يعجبكم
رد مع الاستدلال
الروابط المفضلة