السلام عليكم

عندي لكم طريقة حلوة كثير... وما ادري اذا في احد يسويها ولا لأ

طريقة تخلي الكبسة لذيذة جداً جداً

طبعاً تطبخي الكبسة بالطريقة العادية بس ها بدل الزيت إستخدمي السمن الأخضر

وحطي بالكبسة البصل + الطماطم إخلطيه بالخلاطة مع شوي ثوم وفلفل أخضر حار أحسن وصبي الخليط على البصل بعد ما يذبل

وحطي بالكبسة الفلفل الأخضر الحلو

والبطاطا قطعيها مكعبات وإقليها

الجزر قطعيها دوائر وإقليه

والسمك بزريه بطريقتك وإقليه... بس بالتبزير حطي كزبرة مفرومة وعصير ليمون ولا تقليها بسرعة حطيها ساعة لين ما تاخذ طعم التبزير

وألحين للمهم... لما تحطي الرز على البصل والطماطم لا تحطي عليهم الماء... جيبي الماء وحطيه بالخلاطة وجيبي النارجيل البودرة واسكبي مع الماء... وإخلطيه لين ما يتجانس... إستخدمي هذا الماء بالكبسة وشوفي الطعم صدقوني خيال...وأنا دايم أسويها لكا اعمل كبسه سمك

وخلي شوي العيش يلين ... بس مو كثير شوي بس


وعند التقديم

صبي الرز في الصحن وحطي عليه البطاطا والجزر... وبعدين حطي عليه السمك


وهني وعافية...

وأي سوءال انا حاضرة


المارين... أم الوليد

تسلم ايديك

تسلم ايدك خطيره

تسلمين يا المارين بس ابي اعرف وش هذ النارجيل انت تقصدين النارجين الابيض

يعطيك العافية