طبق متميزالكشرى اية بس بجد على اصوالة تعالى شوفى

**lolo habeby** · 06-12-2008, 06:00 PM

كلنا بنعمل الكشرى بس بجد الكشرى دة مش طبيعى
ماشاء الله
كان تحفة
بالهناء
طبعا كلنا عارفين مقادير الكشرى
الارز والعدس بجبة ومكرونة مقصوصة
وبصل وثوم وطماطم
وزيت
اول حاجة طبعا نسلق المكرونة

ودة شكل الصلصة وهى بتتسبك بس مش بخليها تتسبك اوى الاول بحط زيت وثوم مفروم لحد ما يصفر شوية وبحط علية الطماطم المعصورة
ونسيبها لما تقل شوية

ودة شكل الارز والعدس بعد ما حمرنا البصل او خليناة بنى بالشكل دة

بنحط فى نفس الحلة العدس بالجبة نحمرة شوية
ونسيبة يغلى مع الماية لحد ميبقى نصف سوا
ونضيف علية الارز
ونزود الماية للارز عادى
وبعد كدة نحط ملح كمون
ونغطى

ودة لما شرب الماية

وطبعا لازم الدقة
خل وثوم وليمون وملح وشطة

وطبعا لازم الشطة الحراقة
بناخد جزء من الصلصة ونحط عليها شطة بكمية كبيرة حسب الرغبة طبعا احنا بنحب الشطة حامية اوى

ودة الشكل النهائى
وبالهناء والشفاء

واللهى جعت ههههههههههه

**noorelhoda** · 06-12-2008, 07:36 PM

ههههههههههههههههههههههه
ونا كمان جعت
الله على احلى كشرى من احلى ام ملك
تسلم ايدك
وكل سنه وانتى طيبه

**still_here** · 06-12-2008, 07:40 PM

بصي اصلا جوعتيني..هو شكله خطير الحقيقه..تسلم ايديكي...وممكن أقولك حاجه صغننه ممكن تزودي معاه حمص مسلوق بيبقي حلو أوي برضه...تسلمي يا لولو

**amal250** · 06-12-2008, 09:58 PM

بسم الله ماشاءالله عليكى

تسلم الايادى الجميلة

وهو دة الاكل والا بلاش

وبالصحة والعافية يارب على قلوبكم

**lolo habeby** · 06-12-2008, 11:31 PM

ستيل هير
ماشى يا قمر انتى تامرى بس الواحد مش ناقص تخن علشان كدة مش بحط حمص
المرة الجاية
امال حبيبتى تسلميلى
ام نور احييكى
لانك اول واحدة بتلحق اطباقى بالهناء والشفاء