ساعدوني اريد طريقة البصارة المصري

مين يا بنات تجيب لي طريقة البصارة

صباحك فل يا ست الكل

بصي يا ستي طريقه البصاره كالاتي:
-كميه من الفول المقشور
-بصله مقطعه مكعبات
-بقدونس وكسبره خضراء مفرومين
-فلفل وكمون وملح

الطريقه
-أغسلي الفول كويس وحطيه فالحله مع باقي المكونات مع اضافه ميه طبعا للنضج
-استني عليه لحد ما يستوي ويتشرب الميه (بس مش ينشف يكون سائل بس القوام غليظ)
-بعدين استني لحد ما يبرد وأضربي الخليط في الخلاط
-لو حسيتي انه سائل زياده عن اللزوم ممكن تغليه غلوه علي النار
-لو القوام مضبوط معاكي تصبيه علطول في أطباق
-في المقلايه هتحمري كسبره ناشفه+ثوم مفروم+سمسم وتحطيهم علطول عالطبق اللي فيه البصاره....
-ممكن كمان علي الوش تحطي بصل محمر وزبيب..بس الكسبره طعمها وريحتها أحلي كتيييير

وكل سنه وانتي طيبه ويارب تجربيها وتعجبك

اليكى عزيزتى طريقه الغاليه شخبوطه
ودى طريقه روووووووووووووووووووووووووووووعه ماشاء الله عليها
الطبق الثانى
البصاره

المقادير
- 2 كوب فول مدشوش(جاف بدون قشر)
- حوالى 4 كوب ماء
-بصله متوسطه مقطعه
-2 فص ثوم
- بقدونس وشبت وكسبره خضراء
-1 ملعقه صغيره نعناع ناشف
-ملح وفلفل
-زيت
- بصل محمر للتزيين
الطريقه
ينقع الفول فى الماء لمده 6 ساعات ثم يشطف ويصفى من الماء
وفى حله نضيف الفول والبقدونس والكسبره والشبت والنعناع والبصله والثوم والماء والملح والفلفل

يوضع على نار هادئه بعد الغليان ممكن نضيف الماء اذا احتاجت وينضج
تقريبا بعد 30 دقيقه



نخلط الفول بالخلاط او اداءه الهرس حتى يصبح الخليط ناعم جدااا



نرجع الخليط تانى على نار هادئه حتى يغلظ قومه مع اضافه ملعقه زيت
يغرف فى اطباق ويزين بالبصل المحمر



وبالف هنا وشفااااااء

جزاكما الله كل خير غالياتي كفيتما ووفيتما

تسمحولي اضيف اضافه صغيره من عندي
طبعا البنات ما قصرو في عمايل البصاره
انا بحط عليها من فوق الوش سمسم محمص مع البصل او نعناع ناشف مع البصل