الى اخواتي السوريات ارجو التفضل بالدخول

السلم عليكم
ارجو منكن تزويدي بالوصفات التي نستعمل فيها دبس الرمان رجاءا

عزيزتي ام عبد الله
انا باستعمل الدبس رمان في الباباغنوج
فطاير السبانخ
واكيد بالحراء اصبعو
وكتييييييييييييير اكلات تانية
يممممم كتير طيب
شو بتريدي انا بالخدمة

اذا بتحبي ممكن اكتبلك كمان طريقة عمل الاكلة وكيفية اضافة دبس الرمان عليها
بس انتي اطلبي
ونحنا بامرك

تسلمي يا غالية لن آمر ولكن ارجوك ان تكتبي لي الوصفات التي تعرفينها ويسلمو يا قلبي على ذوقك الراقي

سلام عليكم
غاليتي ام عباد الله انتي من وين
؟؟؟



وبالنسبة اول شي الباباغنوج
هو متل سلطة
باذنجان مشوي
ونقشرو ونهرسو
ثم نضيف عليه
البصل مفروم وبقدونس وحبة بندورة ناعمة وحبة صغيرة فليفلة ناعمة
ورشة ملح وبهار وكمشة جوز مجروش
وشي ملعقتين طحينة وتوم مهروس ناعم
ورح اضيف لك صورة مشان تشوفيه
عملتو مع الكبة المقلية نوع من المقبلات
[IMG][/IMG]

وممكن توضعي دبس رمان كمان في اليالنجي
يعني ورق العنب بالزيت والخضار

وهلق شو بتحبي اكتبلك كمان

في اكلة اسمها فتة المكدوس كمان منضفلها دبس مان وان شاء الله برجعلك بالوصفة بعدين .. لاني مشغولة شوي

انا من الجزائر اختي واقيم في بروكسل واعشق الاكل السوري وافضله على كل المطابخ حتى ان مائدتي لا تخلو من طبق سوري يا حبي لسوريا ولاهل سوريا ومطبخ سوريا

بالنسبة لبابا غنوج هل كل المقادير تطحن مع بعض لاني اقوم بعمله ولكن بدون الفليفلة والبصل والجوز وبالنسبة لدبس الرمان ما هي الكمية ؟


انا لا اريد ان اتعبك معي ولكني لا ادري فيما يستعمل دبس الرمان فلو تستطعين ان تكتبي لي كلما سنح لك الوقت وصفة هنا في هذه الصفحة ساكون لك من الشاكرين
الاخت نسمة في انتظار وصفتك غاليتي واشكرك على اهتمامك

طيب اختي ام عباد الله
رح اكتبلك
يالله

بالنسبة للمقادير
باذنجانة واحدة او 2
مو مشكلة
نشويها على راس الغاز العادي يلي من فوق .. مو ضروري تشويها بالفرن
نهرسها وبعدين
نقطع الخضار التانية كل واحدة لوحدها
ونضيفها على البازنجان المقطع ناعم او مهروس بالخلاط... ويكفي نحرك كل شي بالملعقة
وبعدين ضعي عليهم المنكهات
3 ملعقة كبيرة طحينة و4 ملعقة كبيرة دبس رمان وذوقي لو بتحبيه يكون حامض اكثر اكثري من الدبس
ثم الجوز
وزيني الطبق بالجوز والبقدونس


اي سؤال انا موجودة
تكرم عينك