*وصفه متميزه*مللت من السمك المقلى والصينيه ّّّّّ%%%%سمك موسى بالطحينة%%%
السلام عليكم ورحمة الله وبركاته
قولولى يا نواعم مزهقتوش من السمك
المشوى والمقلى والصينيه بالطماطم
فقلت أفتح اللون انهاردة شويه
فعملت سمك غطى موسى بالطحينة والخضار
واليكم المقادير
2/1 كيلو سمك غطيان وممكن الاستبدال بسمكه أروس كبيره او شرائح فيليه اى نوع سمك
التتبيلة ملح وتوم بودرةوبهارات سمك وقليل من الخل
فلفل ملون شرائح
بصلة شرائح
2 فص توم مدقوق
طماطمايه قطع صغيره
2 عصير ليمونه كبيرة
2/1 كوب سلطة طحينه من غير خل
2/1 كوب ماء
4/1 كوب زيت
الطريقه
بتبل السمك بعد التنظيف بالتتبيلة واتركه ساعه
واحضر صينيه وافرشها بالخضار كله
واضع عليهم السمك واضع الماء فى قعر الصينيه من الجنب علشان مغسلش السمك من التتبيله بتاعتة
ومن فوق السمك اضع الليمون والزيت وقليل من الملح واسويها
من فوق البويوجاز او فى الفرن انت وراحتك ما بيخدش وقت خالص فى السوى
وبعد ذلك اضع الطحينه عليها وادخل الصينيه الفرن حتى يتغير وش الصينية
ولو كنت سوتها على النار بحط الطحينة وارجع الصينيه على النار لمدة 2 دقيقة وبعد ذلك اضعها تحت الشواية
ومشحقولكم على الطعم يجنن
كل حاجه فى الصينيه بتتاكل اكل
لدرجه بقايا الصوص الولاد اخدتها بصابعها
ودة كان الحلو بتاعنا
رد مع الاستدلال
كتبت بواسطة دندنة 88
الروابط المفضلة