السلام عليكم ورحمة الله
اشتقتولي مو ... خخخ بعرف
غبت عن ركن الاطباق الرئيسية شوي لا تواخذوني
بس عاملة جهدي بالمعجنات والحلويات ..خخخ

يالله بسم الله نبدأ

اليوم رح خبركن عن مكمور اليقطين الابيض ..
(ما يصير نستعمل اليقطين العسلي )
لانو اليقطين الابيض طعمو ما فيه حلاوة
المهم
نجيب اليقطينة ونقشرها ونقطعها لمكعباتونقليها متل البطاطا المقلية تمام
وممكن نحتفظ فيها بالفريزر ليوم الاستعمال
وانا الصراحة كل مرة انزل فيها على الشام بجيب معي يقطينة وبستعملها لما يصير الجو شوي بارد لانو الاكلة شتوية
ولانو هون بالامارات ما شفت الا بس اليقطين العسلي اما الابيض فهو قليل
المهم
هذا الطبق يقدم معه البرغل المفلفل
واليكم طريقته
البرغل خشن والافضل الاسمر لانو اطيب
وننظفه ونغسله ثم اضعه في الطنجرة وبدون اضافات اي شي
ونحمصه حتى تنشف ماءه ويصبح رائحته جميلة وناشف تماما
ونرفعه ونضعه على جنب
ثم نحمص الشعيرية بالسمنة
ثم نضع الماء اللازم ..... وانا استعمل لكل كوب من البرغل المحمص اضع له كوب وتلات ارباع من الماء
وعندما تغلي الماء
نضيف عليها الملح والبرغل السابق ذكره
ونعامله معاملة الرز المفلفل
************************************

ونعود الى اليقطين
اول شي نقلي لحمة والصراحة انا قليت اللحم بالتيفال لتفادي اضافة الزيت
وعندما تستوي اللحمة منيح ونضع لها الملح والفلفل
نضع عليها قطع اليقطين المقلية
ونقلب
ثم نتركها على النار الخفيفة ونحضر الصلصة
وهي
طحينة حوالي ثلث كوب
..ودبس الرمان حوالي 4 الى 5 ملاعق كبيرة حسب الرغبة

وعصير ليمونة
وماء دافئ حسب الحاجة اي لحتى تصير صلصة رخوة شوي
نضع كل مقادير الصلصة بالخلاط ونضربها ...وهنا نعدل الطعم بالملح والفلفل
ثم نسكبها على اللحمة واليقطين
ونتركها تتعقد وتتسبك مع بعض
طبعا بعد ربع ساعة رح يكون المزيج نقص بسبب التبخر
ورح تقل كمية الصلصة ورح تكون صارت اسمك واكثف
يعني ما بياخد وقت كتير
تقريبا اذا اليقطين مقلي الطبخة كلها بتكون حاضرة على السفرة بعد 45 دقيقة
ونزين الطبق بالجوز المجروش
بس لا تضعو الجوز مع الخلطة بالطنجرة لانو بيعطيها لون غامق غير مستحب

وبالصحة والعافية

واليكم الصور
وان شاء الله اكون ما قصرت معكم
وانا بالخدمة لاي سؤال
وارجو منكم لي بالدعاء

[IMG][/IMG]
[IMG][/IMG]
[IMG][/IMG]
[IMG][/IMG]

تسلم يدكِ عزيزتي على الوصفه الطيبه

شكرا حنونة
سررت بمرورك الكريم

تسلم الأيادي يا رب
شهيتيني المكمور وما في يقطين هون
مع أنو طريقتنا بتختلف بس كمان طريقتك أكيد طيبة
يعطيكي ألف عافية يا رب

الله يعطيك الف الف عافية

شهتني الله يسلم ايدك الاكلة اكيد طيبة ولذيذة وشكلها يشهي الله يعطيك العافية

تسلم الايادى الجميلة

الله يعطيكى الف عافية

وتسلمى على الوصفة الجميلة

يسلموووووووووووووووووووووووووووووو حبيبتي

تسلم ايديك على الاكلة الطيبة