بسم الله الرحمن الرحيم

المقلوبة

المقادير

-برام للفرن (طاجن )

-ارز (مقدار ما يأخذ من الارز بس قللى شوية عشان خلطة الخضار)

3-كبد وقوانص فراخ (او قطع صدور دجاج مقطعة )

حفنة بسلة -حفنة جزر - 1كوسة صغيرة مقطعة حلقات صغيرة -وردة كرنبيت تقطع لقطعا أصغر- بطاطساية صغنونة مقطعة قطع صغيرة جدا

ملعقة قشدة

2بصلة ملعقتين سمن

مقدار من اللبن ومقدار من الماء

ملح وفلفل

الطريقة


احضرى طاسة وضعى ملعقتين السمنة ثم قطعى البصلة قطعا صغيرة وصفريها شوية ثم ضعى الكبد والقواني وقلبى كويس واضيفى الملح والفلفل


اخرجى الخلطة بمصفاة البطاطس حتى تحافظين على السمنة والالسائل النازل من الخلطة


ضعى فى نفس المكان الخضار وشوحى قليلا

هاتى البرام (طاجن الفخار الخاص بالفرن) وضعى خلطة الخضار وخلطة الكبد والقوانس بكل السائل


ضيفى الماء واللبن بنفس مقدار الارز فقط وقلبى قليلا ثم حافظى على الخضار والكبد فى قاع البرام ضيفى قليل من الملح.


ثم هاتى مقدار الارز المغسول المصفى من الماءوضعية فوق الخلطة التى وضعتيها ثم ضعى ملعقتين القشطة فوق الوجهة



ضعى البرام فى الفرن على الشبكة فى المنتصف وشغلى الشواية على وجهة حتى يصبح وجهة ذهبى ثم اقفلى الشواية وشغلى الفرن على درجة حرار ة 220 ثم بعد ربع ساعة ضيفى كأس ماء على وجهة وبعد نصف ساعة تأكدة من تمام نضجة بأدخال طرف ملعقة فى المنتصف واخرجى حبيات ارز للتأكد من النضج


عند تمام النضج اخرجى البرام

واقلبية فى طبق التقديم


وبالهنا والشفا (ولا تنسونى من خالص دعائكم )

عاشت الايادي

ما شاء الله .. تسلم إيديكي .. شكل المقلوبة يجنن
و بألف هنا و شفا يا رب

يسلمووووووووووووووووووووووو عالوصفه