*موضوع متميز*لعيون احلى النواعم ولعشاق الباذنجان كباب الباذنجان وصل بالصــور

**shahed60** · 22-11-2008, 07:43 AM

السلام عليكم ورحمة الله وبركاته

وعدت حبيباتي سيدات المطابخ اني نزل كباب الباذنجان باقرب فرصة
وخصوصا للعسولتين ام ليانة

ولبنا ن وحبايبه الي مشتاقتلها موت

وما بعرف وين غاطة

وهلق هاي انا عم اوفي بوعدي باذن الله ورح قدم كباب الباذنجان او بالباذنجان ما بتفرق بس بحلب بيقولو كباب بالبانجان (وهاي باللهجة الحلبية كمان هههه)

وهو طبق شهي كتير ودسم وببيض الوجه بالعزايم
المقادير
نصف كيلو باذنجان
حبتين بندورة
ملعقة دبس بندورة (صلصة الطماطم )
نصف كيلو لحمة كبابة

(مع الانتباه بعض اللحامين بملحو الكبابة وبهاي الحالة استغني عن اضافة الملح للطبخة )
حزمة بقدونس
كوب مكسرات محمصة او مقلية (استخدمت جوز وصنوبر )
ملح و بهار مشكل (انا باستخدم بهار حلو وفلفل اسود مع ملعقة صغيرة سبع بهارات )
ثوم مفروم بشكل طولي حسب الرغبة
للزينة
فليفلة ملونة مقطعة حسب الرغبة ومكسرات مقلية (استخدمت الكاجو للزينة باعتبار استخدمت الجوز والصنوبر للكبابة )
الطريقة
يغسل الباذنجان جيدا ويقطع حلقات ويوضع في ماء مملح لمدة ساعة
تبشر البندورة وتخلط مع الدبس في صحن مع اضافة رشة صغيرة ملح
ويفرم البقدونس ناعم
يقلى الباذنجان في زيت غزير بعد انا يصفى

او ممكن في صينية كبيرة توزعي حلقات الباذنجان وتحطي ع كل وحدة قطعة صغيرة من الزبدة كمان في الصورة وتدخليها الفرن حتى تتحمر او تصبح شبه مقلية

تدعك الكبابة مع البقدونس والملح والبهارات والمكسرات

ترتب الكبابة مع الباذنجان في صينية بالتناوب وضروري التناوب من شان الباذنجان يتشرب طعم الكبابة

يرش الثوم المفروم طبعا انا ما استخدمت كل الكمية الي بالصورة لانو طلعت كتيرة وبعدها رتبت الفليفلة الملونة

وبالاخر خليط البندورة

وتدخل الفرن مدة ساعة تقريبا ع حرارة 200 والفرن من الاسفل فقط
وبعدها ربع ساعة من الاعلى والاسفل وبتكون الطبخة جاهزة

وبتقدميها مع اللبن بتوم والارز بالشعيرية والفليفلة الخضراء الحـــــــــــــــــــــــارة
وبالهناء والعافية

يتبع

**shahed60** · 22-11-2008, 07:45 AM

بالنسبة للزر بالشعيرية

مقاديره
3 كاسات رز
3 كاسات ماء
شعيرية حسب الرغبة
ملعقة زبدة متوسطة
رشة ملح
الطريقة
ينقع الارز في ماء دافئ لمدة نصف ساعة
تحمص الشعيرية مع الزبدة
وعند احمرار الشعيرية يضاف الماء
عند بدء الغليان يضاف الملح وفي تمام الغليان يضاف الارز طبعا بعد ما يتصفى ويغسل
ويترك على نار متوسطة حتى يصبح مستوى الماء من مستوى الارز
عندها تهدى النار ويغطى القدر ويترك حتى ينشف ماءه
انا بصراحة مسهلة ع حالي وبطبخ الارز بطاهية الارز الكهربائية طالما عيار الارز مزبوط الرز بيطلع مممممممممم والاحلى انو ما بتضلي مشغولة بالطبخة لانو بس ينضج الارز بتفصل لوحدها وهاي حلاوتها
بس باتبع نفس الطريقة بحط الزبدة مع الشعيرية وبشغلها وبس تتحمر الشعيرية بتكون فصلت وبضيف الماء وبشغلها وبعدها بضيف الارز وبسكر عليها وخلصت القصة

طولت عليكن
يا ريت تجربو هالطبق شهي كتير ما بينمل منه
ورجاء تدعو لاهل غزة بالفرج القريب

**تورتاية بالكريز** · 22-11-2008, 07:51 AM

الله بفرج على اهل غزة وكل البلاد الواقعة تحت الظلم والقهر بقوا كتير ويفرج على امة محمد جميعا يارب ياكريم
يسلموا ايدكي ياست شهودة والله ابدعتي صينية ولااطيب ولااحلى ماشاء الله تبارك الله
بس انت قصدك بالكبابة عجينة كفتة العادية الل يهيا لحم مدهن وبصل وبقدونس وتوابل ولاكبابة اللي يها بالبرغل
واستاذنك بطبق من صينيتك الشهية والباقي للصبايا الله يسعدهم اكيد بتعجب الكل كتير ويسلموا ايدكي يارب

**san79** · 22-11-2008, 08:03 AM

سلمو ايديكي شهوووووووووووووود

أكله بتشهي وبتفتح النفس
يا سلام على الاكل السوري يميميم

صحتين حبيبتي

**بنت الجازي** · 22-11-2008, 08:14 AM

يعطيكي الف عافيه
بصراحه شهيتيني للاكل
طبخه لذيذه كثيرر
تسلم ايدك

**shahed60** · 22-11-2008, 08:38 AM

كتبت بواسطة تورتاية بالكريز

الله بفرج على اهل غزة وكل البلاد الواقعة تحت الظلم والقهر بقوا كتير ويفرج على امة محمد جميعا يارب ياكريم
يسلموا ايدكي ياست شهودة والله ابدعتي صينية ولااطيب ولااحلى ماشاء الله تبارك الله
بس انت قصدك بالكبابة عجينة كفتة العادية الل يهيا لحم مدهن وبصل وبقدونس وتوابل ولاكبابة اللي يها بالبرغل
واستاذنك بطبق من صينيتك الشهية والباقي للصبايا الله يسعدهم اكيد بتعجب الكل كتير ويسلموا ايدكي يارب

امين يا رب
ربي يسلمك حبيبة قلبي كلك زوق
تقريبا متل ما عم تقولي بس الفرق عنا بسوريا لحمة الكبابة هي عبارة عن لحمة مدهنة لكن مضاف لها الملح فقط وطبعا من قبل اللحام وبالبيت نحن منتبلها متل ما بدنا

الف عافية حبيبتي خجلتيني بكلامك الحلو متلك

**shahed60** · 22-11-2008, 08:40 AM

كتبت بواسطة san79

سلمو ايديكي شهوووووووووووووود

أكله بتشهي وبتفتح النفس
يا سلام على الاكل السوري يميميم

صحتين حبيبتي

اهلا بحبيبة قلبي الله يخليكي
ان شاء الله الله بيكتبلك تزوري سوريا وتاكلي الاكل السوري ع اصول اصوله

على قلبك مرورك اسعدني

**shahed60** · 22-11-2008, 08:41 AM

كتبت بواسطة بنت الجازي

يعطيكي الف عافيه
بصراحه شهيتيني للاكل
طبخه لذيذه كثيرر
تسلم ايدك

الله يعافيكي غاليتي

يا ريت فيني ابعتلك صحن ودوقكم وحدة وحدة

رب يسلمك ويخليكي لاحبابك

**noorelhoda** · 22-11-2008, 10:05 AM

ماشاء الله تبارك الرحمن
روعه يا شهوده تسلم ايدك
عندا فى صر بنقول على الكباب كفته
وعلى التكا كباب
وصفتك روعه جزاك الله خيرا

**تغريد2007** · 22-11-2008, 11:01 AM

رووووووووووووووووووووعه يسلموووووووووو دياتك شوشو حبيبتي

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: موضوع متميزلعيون احلى النواعم ولعشاق الباذنجان كباب الباذنجان وصل بالصــور

أدوات الموضوع

العرض